Апта басында аудан әкімі Арман Қарсыбаевтың төрағалығымен лездемелік аппараттық мәжіліс өтті. Мәжілісте Шардара қаласы әкімінің атқарып жатқан жұмыстары және әрбір саладағы биылғы жылы атқарылатын жұмыстар сараланды.

Атап айтқанда, қаладағы аялдамаларды жаңалау, абаттандыру, жарықтандыру, санитарлық тазалық, қоршаулар мен жиектастарды сырлау, көпқабатты тұрғын үйлерге газ кіргізу, жолдардың шұңқырларын жөндеу, кәріз суларын тұндыру алаңы, 300 орындық жайлы мектеп құрылысының қарқыны, Сүткент ауылындағы спорт кешенінің құрылысы, шомылу маусымында су қоймасы жағалауының тазалығын  қадағалау, ағын су каналдарының мәселесі, тамшылатып суғару егістік көлемін арттыру, көктемгі жер айдау, инвесторлармен жұмыс, Наурыз және ауданның 60 жылдығына арналған мерекелік шараларға дайындық, индикаторлық көрсеткіштер және басқа да мәселелер талқыланып, пысықталды.

Арман Романұлы әрбір саладағы негізгі кемшіліктерге тоқталып, жұмысқа салғырттық танытқан сала басшыларына ескерту жасады.

"Өскен өңір" – ақпарат.