Қаралды: 92

Кешегі аптаның жексенбісінде, 23 тамызда Құрылтай депутаттарының алғашқы сайлауы өтті. Еліміздегі барлық сайлау учаскелері таңғы сағат 07:00-ден кешкі 20:00-ге дейін жұмыс істеді.

Аталған сайлау 2026 жылғы 15 наурыздағы республикалық референдумда жаңа Конституция қабылданғаннан кейінгі саяси жаңғырудың кезекті белесіне айналды. Жаңа Ата заңымыз 1 шілдеде күшіне енді.

Конституциялық өзгерістерге сәйкес, Мәжіліс пен Сенаттан құралған бұрынғы қос палаталы Парламент жұмысын тоқтатты. Оның орнына елдің заң шығарушы билігін жүзеге асыратын бір палаталы Құрылтай құрылды.

Президент Тоқаев жаңа Құрылтайдың жұмысына зор үміт артатынын бұған дейін айтқан еді. Мемлекет басшысының пікірінше, Құрылтайдың құрылуы ел дамуына тың серпін беруге тиіс.

Апта барысында ҚР Орталық сайлау комиссиясы (ОСК) Құрылтай депутаттарын сайлаудың қорытындысын жариялады.

ОСК төрағасы Нұрлан Әбдіровтің хабарлауынша, дауыс беруге 9 351 539 азамат қатысып, сайлаушылардың келу көрсеткіші 74,08%-ды құраған.

– Сайлау қорытындысы бойынша депутаттық мандаттарды бөлуге мына бес саяси партия жіберілді: «Әділет» партиясы, Жалпыұлттық социал-демократиялық партия, «Ауыл» партиясы, Қазақстанның «Ақ жол» демократиялық партиясы және Respublica партиясы. Қазақстанның «Байтақ» партиясы мен Қазақстан Халық партиясы 5%-дық шекті еңсере алмағандықтан, мандаттарды бөлуге қатыспайды, – деді Н.Әбдіров.

Сайлау қорытындысын тарата айтсақ,

- «Әділет» партиясы – 6 528 948 дауыс, 71,17%;

- «Ауыл» партиясы – 574 621 дауыс, 6,26%;

- Respublica партиясы – 509 631 дауыс, 5,56%.

- «Ақ жол» Қазақстан демократиялық партиясы – 478 083 дауыс, 5,21%;

-Жалпыұлттық социал-демократиялық партия – 469 058 дауыс, 5,11%;

- Қазақстан Халық партиясы – 285 395 дауыс, 3,11%;

- «Байтақ» Қазақстанның жасылдар партиясы – 97 751 дауыс, 1,07% дауыс жинаған. «Бәріне қарсы» – 2,51%.

Осылайша, дауыс беру қорытындысы бойынша депутаттық мандаттар саяси партиялар арасында төмендегідей бөлінеді: «Әділет» партиясы – 110 мандат, «Ауыл» партиясы – 10, «Respublica» партиясы – 9, Қазақстанның «Ақ жол» демократиялық партиясы – 8, «Жалпыұлттық социал-демократиялық партия» – 8 мандат.

Жаңа бір палаталы заң шығарушы органға сайланған 145 депутаттың өкілеттік мерзімі бес жылға созылады.

Oskenonir.kz

Қаралды: 79

Апта барысында Шардара ауданының әкімі Қарсыбаев  Арман Романұлының төрағалығымен ауданның әлеуметтік-экономикалық дамуы және алдағы кезеңге жоспарланған жұмыстарды пысықтауға арналған жиын өтті.

Қаралды: 102

Бүгінгі Құрылтай сайлауы ұйымдасқан түрде өтіп, ел азаматтарының белсенділігімен ерекшеленді. Сайлау барысында халық өз таңдауын жасап, қоғамдық өмірге деген жауапкершілігін тағы бір мәрте көрсетті.

Сайлауға қатысқан тұрғындар өз пікірлерін білдіріп, лайықты деп санаған кандидаттарға қолдау көрсетті. Халықтың белсенділігі мен сайлау үдерісіне деген қызығушылығы ел болашағына бейжай қарамайтынын аңғартты.

Құрылтай сайлауында көрсетілген халық қолдауы – ел бірлігі мен қоғамдық тұрақтылықтың маңызды көрсеткіші. Сайлаушылардың белсенді қатысуы алдағы уақытта да елдің дамуына бағытталған бастамалардың жүзеге асуына оң ықпал етеді.

Бүгінгі сайлау нәтижесі халықтың өз таңдауына сенетінін және елдің болашағына қатысты маңызды мәселелерге белсенді араласуға дайын екенін көрсетті. Бұл – қоғамдағы ынтымақ пен азаматтық белсенділіктің жақсы көрінісі.

Елдің ертеңі – халықтың бірлігі мен ортақ мақсатқа деген сеніміне байланысты. Осы тұрғыдан алғанда, Құрылтай сайлауының жоғары деңгейде өтуі – маңызды қоғамдық оқиға.

Сәбит Лаханов, Шардара аудандық «Өскен өңір» газетінің бас редакторы.

Қаралды: 85

Кешегі аптаның барысында Түркістан облыстық мәслихатының депутаты Серманизов Бақытжан Қыпшақбайұлы Шардара ауданының тұрғындары алдында депутаттық қызметі барысында атқарылған жұмыстар жөнінде есеп берді.

Қаралды: 86

Өткен аптада Шардара ауданының әкімі Арман Романұлы Қарсыбаев Достық, Ақшеңгелді, Сүткент, Қызылқұм, Алатау батыр, Ұзын ата, Көксу, Қоссейіт, Қ.Тұрысбеков және Жаушықұм ауылдық округтерінің тұрғындарымен кездесіп, елді мекендердің тыныс-тіршілігіне қатысты өзекті мәселелерді тыңдады.

Қаралды: 85

19 тамыз күні Түркістан қаласында «Жаңа халықтық Конституцияның нормалары мен құндылықтары: адами капиталды дамыту – білім беру жүйесінің стратегиялық негізі» тақырыбында облыстық тамыз конференциясы өткен болатын. Конференцияда білім беру саласындағы негізгі мәселелер қаралды. Сонымен қатар облыс көлемінде жемісті еңбек етіп жүрген бір топ ұстаздар түрлі марапаттарға ие болды.