Өткен аптада “AMANAT” партиясы Шардара аудандық филиалына қарасты «Қызылжар» бастауыш партия ұйымының ұйымдастыруымен аудандық кәсіпкерлік бөлімінің мәжіліс залында партияның сайлауалды бағдарламасындағы партиялық жобалардың («Ауыл аманаты», «Жер аманаты», «Қарызсыз қоғам» т.б жобалар) орындалуының барысы туралы жиын өтті. Жиынға партияның аудандық филиалының төрағасы Ережеп Бекет төрағалық жасап, жүргізіп отырды.
Жиында «Қызылжар» БПҰ төрағасы С.Лаханов өткен жылда атқарған жұмыстарына есеп беріп, алда атқарылар жұмыстарға шолу жасады. Сонымен қатар №16 колледж директоры М.Тәшімбет, қала әкімінің орынбасары Б.Сүйет, аудандық ауыл шаруашылығы бөлімі, аудандық жер қатынастары бөлімі, аудандық кәсіпкерлік бөлімі, «Жастар ресурстық орталығының» мамандары өз пікірлерін білдірді.
Жиынды қорытындылаған Е.Бекет: «Мемлекет басшысы Қ.Тоқаевтың бастамасымен биылғы жыл «Жұмысшы мамандықтар жылы» деп белгіленді.
Осыған орай еңбек адамдарына қолдау көрсету және елімізде еңбектері көбінесе елене бермейтін, көріне бермейтін жұмысшы кадрларды даярлауға тапсырма берілді. Осы мақсатта биылғы жылды Партия төрағасы Ерлан Қошановтың «Бастауыш партия жылы» деп белгілеуі де көп нәрсені айқындайды.
Партия төрағасының Қазақстанның түкпір-түкпірінде партиялық жобалардың жүзеге асырылуына өзіндік үлесін қосып, жұмыс жасап жатқан БПҰ-дарын әрдайым назарда ұстап отыратындығын байқатады. Өйткені бастауыш партия ұйымдары – партиямыздың негізгі қозғаушы күші» деді.
Партияластар алдағы уақытта осы бағыттағы жұмыстарын ширату мақсатында жұмыла жұмыс істейтіндіктерін білдірді.
А.Әбубәкіров.
