Қадірлі ағайын!
Баршаңызды Ұлыстың ұлы күні – әз Наурыз мейрамымен шын жүректен құттықтаймыз!
Наурыз – жыл басы ретінде шығыс халықтарына, күллі түркі қауымына ортақ мереке. Ежелден жаңару мен жасампаздықтың, ырыс пен берекенің арқауы болған Наурызбен бірге ызғарлы қыстың орнын шуақты көктем басып, тіршілік қайта түлейді. Халқымыз әрбір жаңа жылдан жақсылық күтіп, келер күнге зор сеніммен қараған.
Наурыз – ұрпақтан-ұрпаққа жалғасып, өткен мен бүгінді сабақтастырып келе жатқан халқымыздың тірлігі мен бірлігінің, ырысы мен берекесінің көрінісі, сан ғасырлық тарихы бар халқымыздың төл мерекесі.
Ұлыстың ұлы күнінде ұрпағымызға өнеге болатын игі шаралар қолға алынуда. Бабалардан мирас болып келе жатқан ізгі қасиеттер қайта түлеп, Наурыздың мән-мағынасы ашыла түсуде. Халқымыз көктемнің алғашқы күндерінен бастап жерін жыртып, дән ексе, ел іші бұлақ көзін ашып, ағаш еккен. Ауласын тазартып, ауылын абаттандырып, жақсы іс бастаған.
Бұрынғы өкпе-реніш кешіріліп, араздық ұмытылып, дастарқан жайылып, бір-біріне амандық-саулық, береке тілеген.
Аудан халқыжылдағы дәстүр бойынша Наурыз мерекесін көтеріңкі көңілмен қарсы алып отыр.
Ұлыстың ұлы күні елімізге ырысы мен ынтымағын әкелсін! Бірлігіміз бекем, ауыз біршілігіміз мол болып, тіршілік жаңаратын Наурызда ниет еткен барша тілектеріңіз қабыл болсын. Әрбір шаңыраққа Қыдыр қонып, бақ дарысын!
Ұлыс оң болсын, ақ мол болсын!
Құрметпен, аудан әкімі А.Қарсыбаев,
аудандық мәслихат төрағасы Б.Мүталиев
