Күні кеше аудандық ардагерлер кеңесі Ұлы Отан соғысындағы Жеңістің 80 жылдығына орай және «Таза Қазақстан» жалпыұлттық тазалық акциясы аясында сенбілік ұйымдастырды.
Оған ардагерлер қауымы мен «AMANAT» партиясының «Ардагерлерді ардақтайық» жобасы аясында партияның Шардара аудандық филиалының қызметкерлері, партия жанынан құрылған «Жастар Рухы» – Жастар қанатының белсенді жастары қатысты. Сенбілік барысында «Тұңғыш Президент саябағы» аумағындағы шардаралық соғыс ардагерлеріне арналған мемориалдық кешен мен батырларға қойылған ескерткіш мүсіндер тазартылды.
Шара басында ардагерлер кеңесінің төрағасы Т.Бердібеков пен «AMANAT» партиясы Шардара аудандық филиалының төрағасы Е.Бекет, «Жастар ресурстық орталығының» директоры М.Мұсабековтер сөйлеп, Жеңіс мерекесінің маңызы және оны ойдағыдай атап өту бағытында барша жерлестер белсенділік танытуы қажеттігін айтты.
Сенбілік соңынан ардагерлер жиналыс өткізіп, келе жатқан Жеңіс мерекесін тиянақты түрде өткізуге қатысты мәселелерді талқылады.
«Таза Қазақстан» жалпыұлттық акциясы аудан көлемінде әр апта сайын өткізілуде алдағы уақытта тазалық жұмыстары жалғасын табады.
«Өскен өңір» – ақпарат.
