Түлкібас ауданынан қаламы қарымды көптеген ақын-жазушы түлеп ұшқан. Солардың ішінде шоқтығы биік, өзіндік ізі бар ақындардың бірі – Алпыспай Боранбайұлы биыл 75 жас мерейтойын тойлап отыр.
Кешегі аптада қазақ сатирасының сарбазы Алпыспай Боранбайұлының мерейтойына орай аудан әкімдігінің ұйытқы болуымен «Алпыспабайдың алпыс әзілі» атты облыстық әзілкештер байқауы өтті.
Байқауда облысқа қарасты 11 аудан, қаладан келген театр майталмандары Алпыспай Боранбайұлының өнер туындыларын сахналап, өзара мықтыны анықтады. Қазылар алқасының ұйғарымымен бас жүлдені Сайрам ауданының өнерпаздары қанжығаларына байлады. Жүлделі бірінші орынға Түлкібас ауданы, екінші орынға Келес ауданы, үшінші орынға Шардара ауданы мен Төлеби ауданының өнерпаздары ие болды.
Мәдениет саласындағы жеңістер жалғаса берсін.
Өз тілшімізден.
