Наурыз айының 23-28-і күндері аралығында Тараз қаласында армрестлингтен жас жеткіншектер мен жасөспірімдер, жастар және мүмкіндігі шектеулі спортшылар арасында Қазақстан Республикасының чемпионаты өтті.
Алдағы Азия және Әлем чемпионаттарына жолдама сынға түсетін тартысты бәсекеге еліміздің түкпір-түкпірінен кіл мықты спортшылар қатысты. Тартысты өткен сайыста шардаралық саңлақтар 25 алтын медаль жеңіп, «Шардара Армспорт» құрамасы жалпы командалық есепте І орынға ие болды.
Жеңіс тұғырынан көрінген спортшылар қатарында 36 келіде Сайлау Иманғали, 40 келіде Абдымутали Әділхан, 45 келіде Ибрагим Бекнұр, 50 келіде Әбдікерім Бағжан, 55 келіде Аязхан Сүндет, 60 келіде Назар Заңғар, 65 келіде Әшім Азат, 70 келіде Сапархан Бекнұр бар. Ал жас жеткіншек қыздар арасында 40 келіде Зиядулла Айзере, 60 келіде Сымбат Сарсенбаева, жасөспірім ұлдар арасында 50 келіде Әмірхан Думан, 55 келіде Маманияз Жасурбек, 60 келіде Мелдебек Болат, 65 келіде Ибрагим Әділет, жасөспірім қыздар арасында 60 келіде Оралбай Ұлжан, 65 келіде Эльмұрат Ұлболсын, 70 келіде Оразхан Ырысты бар. Сондай-ақ, жастар арасында 55 келіде Зәрубек Санжар, 65 келіде Ерсайын Мейрамбек, 70 келіде Самат Мұқасан, 75 келіде Басымбек Нұрболат, 85 келіде Хали Қасымжомарт, 110 келіде Айтбек Бекет, +110 келі салмақта Роман Данияр жеңіс тұғырынан көрінді. Мүмкіндігі шектеулі жандар арасында +90 келі салмақта Құралбаев Ұлықбек 1 орын иеленді.
Жеңіс құтты болсын, жерлестер!
«Өскен өңір» – ақпарат.
