«Қайырымдылық жасасаң, қайырын өзің көресің» деген қазақ атамыз. Қазақтың жақсы қасиеттерінің асылы – жомарттық, кеңпейілділік. Жомарт болу – өзіңде барды зәру адаммен шын жүректен бөлісу. Қайырымдылық – адамзат бойындағы ерекше бір қасиет. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі. Қайырымдылық жасау әр адамның қолынан келетін іс.
Кеше кәсіпкерлердің атынан қаламыздың тазалығына үлесін қосып жүрген қоғамдық жұмыста қызмет атқарып жүрген жандарға арналып арнайы керемет дастарқан жайылды.
Қайырымдылық асқа келген қонақтар ерекше қуаныш пен керемет көтеріңкі көңіл-күй тарту еткен кәсіпкерлерге үлкен алғыстарын білдірді.
Кәсіпкерлеріміз осындай мерекелік дастарқанды әр жыл сайын ұйымдастырып отыруды дәстүрге айналдырған. Аузын ашса жүрегі көрінетін, жомарт, қолы ашық кәсіпкерлеріміздің жасаған әрбір сауапты істеріне жақсылықтары Алладан еселеніп қайтсын дегіміз келеді. Сіздердің істеріңізге береке, дендеріңізге саулық, Алладан амандық тілейміз.
Марат АСАНОВ,
аудандық орталық мешіттің бас имамы.
