Қазiргi таңда өзектi мәселелердiң бiрi дiни экстремизмге қарсы күрес болып табылады. Бүгiнгi күнi дiни экстремизм мен терроризм сөздерiн естiмеген адам аз шығар. Баспа немесе ғаламтор беттерiнде шетелдегi және Қазақстандағы дiни ахуал, соның iшiнде дiни экстремизм мен терроризм тақырыптарына қатысты мәлiметтер аз жазылып жүрген жоқ. Бұл аталған мәселенiң ғаламдық деңгейде орын алып отырғандығының белгiсi.
Қазақстан әлем елдерiне көптеген конфессиялар мен ұлт өкiлдерiнiң бейбiт өмiр сүру мекенi ретiнде танылып отыр. Елордамыз Нұр-Сұлтан қаласында ҚМДБ мәжiлiс залында республикалық имамдардың III форумы өткiзiлдi. Форумда көтерiлген дiни мәселелер бойынша түсiндiрме жұмыстарын жүргiзу мақсатында құрылған ақпараттық топ мүшелерi ауданымызға келiп, бiрнеше мекемелерде болды.
Қаладағы №16 колледж студенттерiмен болған ақпараттық топ мүшелерiнiң кездесуiн аудандық iшкi саясат бөлiмiнiң басшысы О.Қалшабекова ашып, жүргiздi. Әл-Фараби атындағы Қазақ Ұлттық университетi, Дiнтану және мәдениеттану кафедрасының аға оқытушысы РhD докторы Бағашаров Құдайбердi Сабыржанұлы, М.Әуезов атындағы ОҚМУ Заңтану және халықаралық қатынастар факультетi Азаматтық құқық және азаматтық iс жүргiзу кафедрасының доцентi РhD докторы Бекбосынов Ермек Түленұлы, ҚМДБ Павлодар облысының өкiл имамы Бертымұратов Жолдас Қоспанұлы және Түркiстан облыстық қоғамдық даму басқармасының «Дiн мәселелерiн зерттеу орталығы» МКМ директоры Халықов Медет Мұзапбарұлымен таныстырды.
Кездесуде асыл дiнiмiздi халыққа дұрыс жеткiзе бiлу баршаның мiндетi екендiгiн, дiни сауатты адам ешқандай да дiни адасушылыққа бармайтындығын айта келiп, тiптi смартфондарға келiп жатқан арабша жазылған хабарламалардың аудармасын бiлмей, таратудың дұрыс еместiгiн түсiндiрген Бағашаров Құдайбердi Сабыржанұлы мен Жолдас Бердiмұратов студенттердiң қойған сұрақтарына жауап бердi. Медет Халықов «Жусан» операциясы бойынша елге қайтарылған азаматтардың қазiргi жағдайлары жөнiнде мәлiмет бердi.
Ақпараттық топ мүшелерiмен келесi кездесу аудан әкiмшiлiгiнiң мәжiлiс залында өттi. Аудан әкiмiнiң орынбасары Б.Шомпиев жиынды ашып, жүргiзiп отырды. Әл-Фараби атындағы Ұлттық университетi Дiнтану және мәдениеттану кафедрасының аға оқытушысы РhD докторы Құдайбердi Сабыржанұлы мен М.Әуезов атындағы ОҚМУ Заңтану және халықаралық қатынастар факультетi Азаматтық құқық және азаматтық iс жүргiзу кафедрасының доцентi РhD докторы Бекбосынов Ермек баяндама жасап, Түркiстан облыстық қоғамдық даму басқармасының «Дiн мәселелерiн зерттеу орталығы» МКМ директоры Медет Халықов көпшiлiктiң қойған сұрақтарына жауап бердi.
Ақпараттық топ мүшелерiнiң халықпен кездесуi Әбу Мансур Аль-Матруди мешiтiнде жалғасып, Павлодар облысының өкiл имамы Жолдас Бердiмұратов баяндама жасап, жұма намазға қатысты. Осындай кездесу Ш.Уәлиханов атындағы жалпы орта мектебiнде, Қ.Тұрысбеков ауыл округiнiң тұрғындарымен де өткiзiлдi.
Өз тiлшiмiзден.
