Аудан әкiмi Қайрат Жолдыбай аудандық Мәдениет сарайында аудан жастарымен кездесу өткiздi. Алдымен аудан басшысы «Жастар жылына» орай әр ауылдық округтерде атқарылған жұмыстарды арнайы көрме арқылы көрiп шықты.
«Жарқын болашаққа – жастармен!» тақырыбында өткен кездесудi аудан әкiмiнiң орынбасары Бауыржан Шомпиев жүргiзiп отырды. Қала мен барлық ауылдық округтерден жиналған жастар алдында аудан әкiмi Қайрат Жолдыбай сөз сөйлеп, «Жастар жылында» ауданымызда көптеген iс-шаралар қолға алынып, аудан жастары бұл жылды ойдағыдай қорытындылағанын жеткiздi.
Кездесу барысында аудандық «Жастар ресурстық орталығы» мекемесiнiң басшысы Батыр Қалдарбек есептi хабарлама жасады. «Жас Отан – Жастар қанаты» аудандық филиалының төрағасы Нұрболат Дiлдабек, қол күресiнен бiрнеше рет әлем чемпионы атағын иеленген даңқты спортшы Мағжан Шәмиев, «Достық» жалпы орта мектебiнiң оқушысы Рамазан Үсенов, аудандық «Жастар ресурстық орталығы» мекемесiнiң қызметкерi Ырыскүл Аранжанова және басқалар әртүрлi тақырыпта сөз сөйледi.
Мұнан кейiнгi жиын еркiн тақырыпта сұрақ-жауап түрiнде өрбiдi. «Шардара» мектеп-лицейiнiң оқушысы Гүлбаршын Сариева ауданнан «Жастар сарайы» ашылса екен деген тiлек айтса, Қ.Тұрысбеков ауылдық округi әкiмi аппаратының хатшысы Перизат Әбдiмүтәлиева шет тiлдерiн үйрететiн үйiрмелер ашу, №16 колледж мұғалiмi Рахымжан Төлеев көпбалалы отбасыларды тұрғын үймен қамту жайлы сұрады. Кездесуге басқа да аудан жастары белсендi түрде қатысып, өздерiн толғандырған мәселелер жайлы аудан басшысына сауалдар қойып отырды. Әрбiр жастың сұрағын мұқият тыңдаған Қайрат Жолдыбайұлы оларға тұщымды жауаптар қайтарды.
Жиын соңында түрлi салада жемiстi қызмет атқарып жүрген жастарға «Жыл үздiгi» номинациялары берлдi. Атап айтар болсақ, «Жас ерiктi» номинациясы Нұрболат Дiлдабекке, «Жас спортшы» номинациясы Бекжiгiт Асылжанға, «Жас дәрiгер» номинациясы Индира Бегалиеваға, «Жас мұғалiм» номинациясы Мөлдiр Тұрысбековаға, «Жас мәдениет саласының қызметкерi» номинациясы Ақмарал Нәбиге, «Үздiк студент» номинациясы Айбек Тастновқа, «Үздiк оқушы» номинациясы М.Көбееваға, «Үздiк белсендi жас» номинациясы Перизат Әбдiмүтәлиеваға, «Үздiк жас мемлекеттiк қызметшi» номинациясы Ербол Насырұлына берiлдi.
Кездесу соңы Ибрагимовтер жанұялық ансамблiнiң орындауындағы «Мен қазақпын!» әнiмен аяқталды.
Аудан әкiмiнiң баспасөз қызметi.
