Қаралды: 674

16 желтоқсан – Қазақстан Республикасының Тәуелсiздiк күнiне орай аудандық Мәдениет сарайында мерекелiк iс-шара өттi.

Қаралды: 30

Шардара ауданында аса қауіпті марокко шегірткесіне қарсы бір аптадан бері фитосанитариялық іс-шаралар қарқынды жүргізілуде. Аудан әкімі Арман Қарсыбаев Жаушықұм массивіндегі шегірткемен күрес жұмыстарымен танысып, мамандармен жұмыстарды талқылады. Сондай-ақ, мамандарға зиянкестермен күрес қарқынын арттыруды тапсырды.

Қаралды: 31

Аса қауіпті марокко шегірткесіне қарсы фитосанитариялық іс-шаралар жүргізу барысы қарқынды жалғасуда.

Қаралды: 31

Шардара ауданында өсімдік зиянкестерімен ағымдағы жылы Жаушықұм масиві мен Сырдария өзені жағалауында күрес жұмыстары жүргізілуде.

Қаралды: 38

 

ШАРДАРАНЫҢ ТОЙЫ ӨТТІ ШАТ-ШАДЫМАН КӨҢІЛМЕН

МЕРЕЙТОЙ «БОЛАШАҚ» САЯБАҒЫНЫҢ АШЫЛУЫМЕН БАСТАЛДЫ

11 сәуір күні Шардара ауданының 60 жылдығы аясындағы мерекелік шара Шардараның жаңадан бой көтеріп келе жатқан №4 шағынауданындағы «Болашақ» саябағының салтанатты түрде ашылуымен басталды. 

Шараға Шардара ауданының әкімі Қарсыбаев Арман Романұлы, аудандық мәслихат төрағасы Мүталиев Бұлтбай Лесбекұлы және ауданның құрылуына өлшеусіз еңбек сіңірген және дамуына үлес қосып жүрген ардагер ақсақалдар мен ел ағалары қатысты.

Ең алдымен саябақтың салтанатты түрде лентасын қию рәсімі өтті.

Мұнан кейін  аудан әкімі және мәслихат төрағасы құттықтау сөз сөйлеп, Шардара ауданының өткені мен бүгінін сөз етіп, жарқын болашақ тіледі.

Саябақ іші ынтымағы мен бірлігі жарасқан тұрғындар мен жастарға толып, жастар ұлттық киімдер киінді.

 

60 ОТБАСЫ БАСПАНАЛЫ БОЛДЫ

Шардара ауданының 60 жылдығы аясында №4 шағын ауданындағы 60 пәтерлі тұрғын үйді табыстау салтанатты іс-шарасы өтті.

 Баспана табыстауға Шардара ауданының әкімі Арман Қарсыбаев, аудандық мәслихат төрағасы Бұлтбай Мүталиев, аудандық Ардагерлер кеңесінің төрағасы Тоқсанбай Бердібеков және қонақтар қатысып, 60 баспананың кілтін табыстады.

«Мемлекет басшысының бастамасымен көптеген шарауалар қолға алынып,  қаншама нысандар ашылуда. Биылғы жылы Шардара қаласында да көптеген нысандар пайдалануға берілуде. Біздің мақсат аудан  тұрғындарының тұрмыс жағдайын жақсарту. Былтырғы жылы жаз айында 100 пәтер, кеше ғана 40 пәтер, тағы 24 пәтерді ел игілігіне пайдалануға бердік. Ал бүгін айтулы күнде, ауданымыздың 60 жылдығында 60 отбасын қуантып отырмыз. Шардара аядай ғана аудан болғанымен  бүгінгі күні даңқы шартарапты шарпыған құтты мекенге айналғанына баршамыз куәміз. Осындай қуанышты сәтте  пәтер иелеріне ауданның мерейтойымен бірге келген жаңа қоныстарыңыз құтты болсын дегім келеді!"- деді Арман Романұлы.

Сондай-ақ, аудан әкімі тұрғын үй құрылысына атсалысқан азаматтарды Алғыс хатпен марапаттап, 20 отбасына пәтер кілттерін салтанатты түрде табыстады. Бұдан бөлек, мәслихат төрағасы және ардагерлер кеңесі төрағасының қолынан тағы 40 отбасы пәтер кілттеріне ие болды.

Шара соңында баспаналы болған көпбалалы ана алғыс сезімін білдіріп, аудандық Ақсақалдар кеңесінің төрағасы Қыстау Ілесов ақ батасын берді. Қонақтар тұрғын үйдің ішіне кіріп, құттықтауларын жеткізді.

 

АБАЙ АЛАҢЫ МЕН ТЕАТРДАҒЫ ІС-ШАРА ЖОҒАРЫ ДЕҢГЕЙДЕ ӨТТІ

Шардара ауданының ресми түрде құрылғанына 60 жыл толған мерейлі датаны аудан жұртшылығы жоғары деңгейде атап өтті. Аудан әкімі Арман Қарсыбаев бастаған топ Абай алаңындағы «Шежіре» ауылын және ретрокөліктер мен тарихи жәдігер бұйымдар көрмесін тамашалап, ауыл шаруашылығы саласында лизинг бойынша алынған жаңа техникалардың көрмесін аралады.

Қала мен ауылдардан жиналып, бірдей ұлттық үлгіде киінген 60 келін мерекеге келген ел ағаларына бірдей иіліп сәлем салып, ізет көрсеткендері өте жарасымды шықты. Сонымен бірге «Қасиет» орталығының ақ жаулықты әжелерқауымы 60 құрақ көрпе тігіп, қол-өнерлері мен мерейтойға арнайы жасаған таба нандарын әкелгені әсіресе жас ұрпаққа үлгі-өнеге болды деп айта аламыз.

Абай алаңында мектеп оқушылар флешмоб ұйымдастырса, аудандық мәдениет сарайында Шардара тарихынан сыр шертетін ретро көрмелер қойылды.

Ретро үлгідегі көліктерден бөлек, ретро дүкен, бөлме, мектеп үстелдері мен тарихи бұйымдар паш етілді. Сондай-ақ, бүгінгі күні Шардара ауданының брендіне айналған Шардара СЭС-ның, «Хамит» АӨК балық зауыты мен «Шардара Армспорт» клубының тарихынан сыр шертер көрме көрсетіліп, келген қонақтар дән риза болды. Мұнан кейін, шара аудандық мәдениет сарайында жалғасып, ең алдымен Шардара ауданының кешегісі мен бүгіні жайлы қысқаша тарихи бейнеролик көрсетілді. Мерейтойға жиналған қауымды аудан әкімі Арман Қарсыбаев құттықтады.

Аудан әкімінің ыстық лебізінен соң «Шардара: 60 жыл - 60 белес» мерейтойлық кітабының тұсаукесер рәсімі өтті. Оған туынды авторы Сабит Лаханов  сахнаға шығып, кітапты таныстырды. Сонда жаңа кітаптың салтанатты түрде лентасы қиылды.

Арман Романұлы Шардараның өсіп-өркендеуіне, әлеуметтік-экономикалық дамуына сүбелі үлестерін қосқан еңбек ардагерлері мен еңбек сіңіріп жүрген бірқатар тұлғаларға, мерекелік «Шардара ауданына 60 жыл» төсбелгісімен марапаттады. 

Сондай-ақ, аудандық мәслихат төрағасы Бұлтбай Мүталиев құттықтау сөз сөйлеп, ауданның әлеуметтік-экономикалық дамуына үлес қосқан және қосып жүрген бір топ азаматтарға мерекелік төсбелгі табыс етті.

Мәдениет үйіндегі кеште бір топ өнерпаздар әннен шашу шашты. Өлкемізде өнерді өрге сүйреп, қазіргі таңда еліміздің бас сахналарында таланттарын шыңдап жүрген мәдениет майталмандары аз емес. Солардың бірқатары  Шардараның киелі топырағынан нәр алып, көгіне аунап, көліне шомылып өскен, өнерлі жерлестеріміз Мөлдір Бақытжанқызы, Асқар Жайлаубаев, Азамат Алиакбар, Бақберген Омаров, Айзада Асылхан және Ахмет Молдағұлов сынды әнші жерлестеріміз өнер көрсетіп, Шардараның 60 жылдық мерейтойымен құттықтады.

 

МЕРЕЙТОЙДА «МУЗАРТ» ТОБЫ ӘН ШЫРҚАДЫ

Шардара ауданының 60 жылдығына  арналған «Шаттыққа бөленген Шардара» салтанатты гала-концертті Шардара қаласындағы «Алты алаш» алаңында жалғасып, оған Республикаға танымал «Муз-Арт» тобы қатысты. Алаңға жиналған тұрғындарды аудан әкімінің орынбасары Жұмасұлтан Бердешов аудан әкімінің атынан құттықтап, ыстық лебізін білдірді.

Гала-концертте танымал әншілер Мейрамбек Беспаев, Сакен Майғазиев, Кенжебек Жанәбілов және Мөлдір Бақытжанқызы, Асқар Жайлаубаев, Азамат  Қалыбаев, Бақберген Омаров, Ахмет Молдағұлов, Ербол Таңжар және өзге де ауданның өнерпаздары әсем әннен шашу шашып, алаң қызылды-жасылды отшашулармен көмкерілді.

Концертке жиналған көпшілік мерекелік көңіл күйдің ерекше демін сезінді.

Аудан әкімінің баспасөз қызметі.

 

Қаралды: 26

Шардара қаласын сапалы ауыз суымен қамту мақсатында аудан орталығынан 40 шақырымға жуық қашықтықтағы «Тама-Тастанбек» жерасты су қоры учаскелеріндегі құрылыс жұмыс- тары қарқынды жүргізілуде.

Күні кеше аудан әкімі Арман Қарсыбаев құрылыс жұмыстарының барысын салаға жауапты мамандармен бірге нысандардың басына барып, танысты.

Мердігер мекеме «Алтын констракшн» ЖШС құрылыс жұмыстарының қарқынын арттырып, бүгінгі таңда 10 шақырымға астам қашықтыққа ауыз су құбырларын жүргізген.

Жоба бойынша екі жыл мерзімде ауыз су құбырын салу жұмыстарын аяқтап, Шардара қаласы сапалы ауыз сумен қамтылады деп күтілуде. Сондай-ақ қалаға іргелес елді-мекендерді де сапалы ауыз сумен қамтамасыз етуге мүмкіндік болады.

Айта кетсек, ауыз су құрылыс жұмыстары аудан әкімі Арман Романұлының тұрақты бақылауында.

Аудан әкімінің баспасөз қызметі