Кеше Шардара қаласы күніне орай ұйымдастырылып жатқан мерекелік шаралар жалғасын тапты.

Қала әкімі Е.Бекет аудандық ардагерлер кеңесінің ақсақалдары арасында, бильярд пен шахматтан жарыс ұйымдастырып, Шардара қаласында еңбегі сіңген аға буын өкілдеріне алғыс білдірді. Шара барысында аудандық ардагерлер кеңесінің төрағасы Т.Бердібеков барша ардагерлердің атынан қала әкімдігіне ыстық лебізін білдірді. Сайыс соңында жеңімпаз болған ардагерлерге Алғыс хаттар мен арнайы сыйлықтар табысталды.

Сонымен бірге, қала басшысы аудандық орталық ауруханасында болып, перзентханада "Қала күнімен" қатарлас туған  аналарды құттықтап, 21 ғасыр 21 жыл 21 қазан күні дүниеге келген нәрестелердің саулығын тіледі.

Бұдан бөлек, айтулы мерекеде  қаладағы қос бірдей "Aisultan" азық-түлік дүкені мен "Playpark" балалар ойын-сауық орталығының ашылуы болып, кәсіпкерлік нысандардың салтанатты түрде лентасы қиылды. Сонымен қатар, мүмкіндігі шектеулі жандарға мерекелік дастарқан жайылып, құрмет көрсетілді. Оған арнайы қатысқан қала әкімі құттықтау сөз сөйлеп, Шардара қаласын дамыту бойынша алдағы уақыттағы жоспарларымен бөлісті.

Аудан әкімінің баспасөз қызметі.