Осыдан біршама уақыт бұрын Түркістанда тігілген ең үлкен сәукеле Қазақстанның рекордтар кітабына енгізілгенін хабарлағанбыз.
Толық оқу ...
Италияның тарихи астанасы – Рим қаласында өткен «Fibonacci International Robot Olympiad» әлемдік финалында 28 мемлекеттен 2 мыңнан астам қатысушы бақ сынады. Олардың қатарында Қазақстаннан барған 90 дарынды жас та өз білім-білігін көрсетіп, халықаралық аренада ел намысын қорғады.
Сол үздіктердің бірі – Шардара қаласындағы М.Қалмырза атындағы №3 мамандандырылған мектеп-интернатының оқушысы Ережеп Уәлихан. Ережеп Уәлихан ұстазы Раушан Исақованың жетекшілігімен «Avtonomy Car» категориясында II орын, информатика пәнінің мұғалімі Маржан Саудабаеваның жетекшілігімен «3 kg Sumo» категориясында III орын иеленіп, әлемнің айтулы командалары арасынан топ жарды.
Әлемдік додада озық нәтижеге қол жеткізген шәкіртті апта барысында аудан әкімі Қарсыбаев Арман Романұлы салтанатты түрде қабылдады.
Қабылдау барысында Арман Романұлы дарынды оқушыға: «Білектіге – сенім, білімдіге – жеңіс серік. Еліміздің даңқын асқақтата беруіңе тілектеспін», – деп жылы лебізін білдіріп, Алғыс хат пен 500 мың теңгелік сертификат табыс етті.
Сонымен қатар, шәкіртінің талабын ұштап, табысқа жетелеуде ерекше еңбек сіңірген ұстаздар «Шардара ауданына 60 жыл» мерекелік медалімен марапатталды.
Бұл жеңіс – қажырлы еңбек, талмай іздену және үздіксіз дайындықтың жарқын жемісі.
Мектеп ұжымына шығармашылық табыс, жаңа белестер тілейміз!
Аудан әкімінің баспасөз қызметі
Жуырда ғана ауыр атлетикадан Өскемен қаласында 20 жасқа дейінгі ұлдар мен қыздар арасындағы Қазақстан Республикасының жеке-командалық чемпионаты болып өтті. Аталған күш сайысына еліміздің ең мықты деген спортшылары қатысып, кіл мықтының ішінде кім мықты екенін анықтады. Олардың қатарында жерлесіміз Әлішер Тұрғанбай 60 кг салмақта өнер көрсетті.
Толық оқу ...
Жуырда аудан әкімдігінде «23 маусым – Мемлекеттік қызметшілер күніне» арналған салтанатты шара өтті. Іс-шараға аудан әкімі Арман Қарсыбаев, қала, ауылдық округ әкімдері мен дербес бөлім басшылары, мекеме қызметкерлері қатысты. Салтанатты жиында аудан әкімі мемлекеттік қызметшілерді кәсіби мерекелерімен құттықтап, олардың ел игілігі жолындағы тынымсыз еңбектерін жоғары бағалады.
Толық оқу ...
