Бұған дейiн Шардара аудандық аумақтық сайлау комиссиясы Қазақстан Республикасының аудандық маңызы бар қалалары, ауылдық округтерi,

ауылдық округтiң құрамына кiрмейтiн кенттер мен ауылдары әкiмдерiн қызметке сайлау, өкiлеттiгiн тоқтату және қызметтен босату қағидаларының 57, 59-тармақтарына сәйкес Қ.Тұрысбеков және Көксу ауылдық округтерi әкiмдерiнiң сайлауы өтетiндiгi туралы хабарлама жариялаған болатын. Аталмыш сайлау 17 маусым күнi аудан әкiмдiгiнiң мәжiлiс залында болып өттi.

Сайлау ережесiне сәйкес ауыл әкiмдерiне кандидаттарға аудандық мәслихат депутаттары дауыс берiп, таңдау жасады. Аудандық аумақтық сайлау комиссиясының хабарлауынша Анықбеков Аманғали Анықбекұлы Қ.Тұрысбеков ауылдық округiнiң, Әдiлхан Исатай Бұхарбайұлы Көксу ауылдық округiнiң әкiмi қызметiне сайланған.

Ауыл әкiмi болып сайланған азаматтардың жұмыстарына толағай табыс тiлеймiз.

Өз тiлшiмiзден.