Апта барысында аудан әкімі Арман Қарсыбаевтың тапсырмасына сәйкес, аудан әкімінің орынбасары Бауыржан Шомпиевтың қатысуымен аудандағы мәдениет үйлерінің директорлары мен мәдениет саласының атқарған және атқаратын жұмыстарының есебі тыңдалып, алдағы жоспарлар пысықталды.
Жиында аудан әкімінің орынбасары Шардара ауданының 60 жылдығына дайындық, мәдениет үйлеріндегі шараларды сапалы өткізу, тәрбиелік театрланған қойылымдар қою және өзге де шараларды өткізу бойынша бірқатар жұмыстарды саралап, тапсырмалар жүктеді.
Айта кетсек, ауданда мәдениет саласын дамыту мақсатында 1 аудандық мәдениет сарайы, 10 ауылдық мәдениет үйлері халыққа тұрақты рухани қызмет көрсетіп келеді. 2024 жылы «Ауыл – ел бесігі» мемлекеттік бағдарламасы аясында 200 орындық заманауи үлгідегі жаңа Жаушықұм ауылдық мәдениет үйі іске қосылды.
2024 жылдың 12 айындағы атқарылған мәдени іс-шаралар саны – 866-ны құраса, оның ішінде аудандық мәдениет сарайы – 286, ауылдық мәдениет үйлері бойынша – 580 іс-шара өткерген. Іс-шараларға тартылған көрермендер саны - 190 895 адамды құрады.
Жалпы мәдениет ошақтарында 143 қызметкер, оның ішінде 61 шығармашылық мамандар жұмыс жасайды. Шардара аудандық мәдениет саласы бойынша жыл басынан бері аудандық 4 байқау, 2 облыстық байқау өткізілді.
Облыс көлемінде өткен 16 іс-шараға қатысып, оның ішінде 12 байқаудан жүлделі орындарды иеленді.
"Өскен өңір" – ақпарат.
