Кешегі аптада аудан әкімі Арман Қарсыбаев мәдениет, спорт, кәсіперлік, жұмыспен қамту және ішкі саясат бөлімдеріне кураторлық жасайтын орынбасары Шомпиев Бауыржан Қуанышбайұлын ротациямен Мақтаарал ауданы әкімдігіне ауысуына байланысты жеке қабылдап, құрмет көрсетті.
Аудан әкімі өз сөзінде Б.Қуанышбайұлының Шардара ауданы үшін 30 жылдан астам еңбегіне шолу жасап, алғыс білдіріп, алдағы уақытта Мақтаарал ауданында да жемісті еңбек етуіне сенім білдірді. Сондай-ақ, өз атынан Алғыс хат тапсырып, иығына оқалы шапан жапты.
Айта кетсек, Шомпиев Бауыржан Куанышбайұлы 1965 жылы 7 тамызда Оңтүстік Қазақстан облысы, Сарыағаш ауданында дүниеге келген.
Еңбек жолын 1987 жылы Шардара қаласы «ЖМК-28» «Монтажспецстрой» трестінде шебер болып бастап, «Бастау» шағын кәсіпорынында жабдықтаушы, «Шапағат» жалгерлік кәсіпорынында прораб, 1993 жылы Шардара қаласы ішкі саясат бөлімінің жастар ісі және қоғамдық ұйымдармен жұмыс бойынша аудандық әкімшілігінде аға маман, Шардара ауданының жастар ісі, туризм және спорт комитетінде төраға, басқарма басшысы, бөлім меңгерушісі, Шардара ауданы әкімі аппараты әлеуметтік реформалардың мониторингі бөлімінің меңгерушісі, Шардара ауданы әкімі аппараты ұйымдастыру және кадрлармен жұмыс бөлімі меңгерушісі, 2013-2017 жылдары аудандық ішкі саясат бөлімінің басшысы және өзге де лауазымды қызметтерді атқарды. 2017 жылдан бері аудан әкімінің орынбасары қызметін абыроймен атқарып келді. 2024 жылы «Шардара ауданының Құрметті азаматы» атағына ие болды.
Аудан әкімінің баспасөз қызметі.
