Кешегі аптада аудан әкімі аппаратында жаңадан тағайындалған аудан әкімінің орынбасарын таныстыру үшін арнайы жиын өтті.
Аудан әкімі Арман Қарсыбаев аудан активіне Мақтаарал ауданынан ауысып келген аудан әкімінің орынбасары Төребеков Бейсенбай Тасболатұлын таныстырып, алдағы уақытта бірлесіп жемісті еңбек ете беретіндігіне сенім білдірді.
Б.Төребеков 1965 жылдың 16 желтоқсанда Оңтүстік Қазақстан облысы, Киров ауданында дүниеге келген.
Еңбек жолын 1983 жылы №3 «Жетісайсельстрой» трестінің №307 ЖМК-да жұмысшы болып бастаған. 1984-1986 жылдар аралығында Кеңес армиясы қатарында болған. 1986-1988 жылдары Жамбыл есеп-санақ техникумының студенті, сонымен қатар 2005 жылы Оңтүстік Қазақстан Ашық университетін, 2013 жылы Сырдария университетін бітіріп, өнеркәсіп бухгалтері, бухгалтерлік есеп және аудит, құқықтану мамандықтарын алған. 1988-1991 жылдары Киров аудандық статистика, білім бөлімдерінде экономист, аға экономист, қоймашы қызметтерін атқарған. 1991-1992 жылдары «Сәулет» кооперативінде бухгалтер, төраға болған. 1992-1997 жылдары Киров аудандық қаржы бөлімінде аға есепші, бас маман, бас бақылаушы-тексеруші, ішкі бақылау қызметі бөлімінің бастығы қызметтерін атқарған. 1997-2017 жылдар аралығында Мақтарал аудандық қаржы, экономика және бюджеттік жоспарлау бөлімдерінің бас маманы, сектор меңгерушісі, бөлім бастығы лауазымдарын атқарған. 2017 жылдың қаңтар айынан іріленген Мақтарал ауданы әкімінің орынбасары, 2018 жылдың тамыз айынан осы уақытқа дейін Мақтаарал ауданы әкімінің орынбасары лауазымын атқарып келді.
Аудан әкімінің баспасөз қызметі.
