Қазақстан Республикасы Президентінің 2015 жылғы 29 желтоқсандағы №152 Жарлығымен бекітілген «Б» корпусының бос немесе уақытша бос мемлекеттік әкімшілік лауазымдарына конкурс өткізілместен, ауысу тәртібімен орналасу қағидаларының 2-тармағының 4) тармақшасына сәйкес аудан әкімі А.Қарсыбаевтың 2025 жылғы 12 ақпандағы № 1-38ө өкімімен Бердешов Жұмасұлтан Оразбекұлы Шардара ауданы әкімінің орынбасары лауазымына тағайындалды.
Арман Романұлы жаңадан тағайындалған орынбасарын таныстырып, жемісті еңбек ете беруіне сенім білдірді.
Жұмасұлтан Оразбекұлы аудандағы экономика, ауыл шаруашылық және жер салаларына жетекшілік ететін болады.
Жұмасұлтан Оразбекұлы Бердешов 1991 жылы 27 желтоқсанда Оңтүстік Қазақстан облысы, Түркістан қаласында туған.
Еңбек жолын 2013 жылы Шардара ауданы әкімі аппараты ұйымдастыру инспекторлық бөлімінің бас маманы болып бастап, 2016-2019 жылдары аралығында осы бөлімнің бас инспекторы, басшысы лауазымдарын атқарған. 2019-2021 жылдары Түркістан облысы әкімі аппараты ұйымдастыру-инспекторлық жұмыс және аумақтық даму бөлімінің бас инспекторы. 2021 жылдың қараша айынан бастап Шардара ауданы әкімі аппаратының басшысы лауазымын атқарып келді.
Аудан әкімінің баспасөз қызметі.
