Шардара ауданын таза ауыз сумен қамту мақсатында аудан орталығынан 40 шақырымға жуық қашықтықтағы «Тама-Тастанбек» жерасты су қоры учаскелеріндегі құрылыс жұмыстары қарқынды жүргізілуде. Апта барысында аудан әкімі Арман Қарсыбаев құрылыс жұмыстарын жүргізіп жатқан мердігерлермен бірге нысандардың басына барды.
Мердігер мекеме «Алтын констракшн» ЖШС құрылыс жұмыстарының қарқынын арттырған. Бүгінгі таңда 4 шақырымға жуық қашықтыққа ауыз су құбырлары тартылған.
Жоба бойынша екі жыл уақытқа созылатын жұмыстардан соң Шардара қаласы мен оған іргелес жатқан 22 елді мекенді ауыз сумен қамтамасыз етуге мүмкіндік беретін болады.
Айта кетсек, ауыз су тарту құрылыс жұмыстары аудан әкімі Арман Романұлының тікелей бақылауында.
Аудан әкімінің баспасөз қызметі
