Таяуда «Тiлдердi оқыту және дамыту орталығы» КММ-ның ұйымдастыруымен үш тiлдi еркiн меңгерген мемлекеттiк мекеме қызметкерлерi арасында «Полиглот» онлайн аудандық байқауы өткiзiлдi.

Аталған байқауға 8 үмiткер қатысып, олар 3 кезең бойынша бiлiмдерiн сынға салды. «Сәлемдесу – салтымыз» деп аталатын бiрiншi кезеңде қатысушылар үш тiлде өзiн-өзi таныстырды. «Тұсау кесер» деп аталған екiншi кезеңде Абай Құнанбаевтың 175 жылдығына, Әбу Насыр Әл-Фарабидiң 1150 жылдығына, Қазтуған жыраудың 600 жылдығына, Жүсiп Баласағұнның 1000 жылдығына орай аталған қаламгерлердiң шығармаларынан үзiндiлер оқыды. «Тiлтаным» кезеңiнде ағылшын тiлiнде тест сұрақтарына жауап бердi.

Үш кезең де мәресiне жеткен соң «жүзден жүйрiк» жеңiмпаздар анықталды. Атап айтқанда, Жанат Қарымсақов Бас жүлде иегерi атанды. Абай Сәтбаев пен Жанат Тыныштық I орынды өзара бөлiстi. Ақтолқын Жұмадiллаева мен Гүлнар Ескермесовалар II орынды, Мырзадiл Тоқтамыс пен Жасұлан Ережепов III орынды иелендi. Жеңiмпаздар дипломдармен, арнайы сыйлықтармен марапатталды.

Өз тiлшiмiзден.