Құрбан айт мерекесiнде «Әл-Матруди» мешiтi мен «Хамит» СПК ауыл шаруашылық өндiрiстiк кооперативi бiрiгiп, құрбандық шалу бойынша Қазақстан мұсылмандары дiни басқармасының «Qurban2020» сайтына онлайн өтiнiш берген болатын. Дiни басқарманың рұқсат етуiмен аталған мекеме қызметкерлерi 3 қой, 6 iрi қараны құрбандыққа шалып, етiн 230 отбасыға үлестiрдi.

Сонымен қатар, Шардара аудандық орталық мешiтi  кәсiпкерлердiң қолдауымен 15 қой, 3 iрi қараның етiн 200 отбасыға қайырымдылық ретiнде таратып бердi.

Көмек алған барша отбасылар iзгi мейрамда iзгiлiк жасаған барлық азаматтарға өз алғыстарын бiлдiрдi.

Өз тiлшiмiзден.