Өткен аптада аудан әкімі А.Қарсыбаев аудан тұрғындары үшін жеке қабылдау өткізіп,  тұрғындардың мәселесін тыңдады. Жеке қабылдау барысында аудан тұрғындары өздеріне қатысты төмендегідей бірқатар әлеуметтік және тұрмыстық мәселелерді көтерді: 

– Шардара қаласы, Құршан көшесі, №25 үйдің тұрғыны, зейнеткер Әжіқабылова Қарлығаш – материалдық көмек көрсету мәселесі бойынша;

– Қ.Тұрысбеков ауылдық округі, Нұршаев көшесінің тұрғыны Серікбаева Мейрамгүл – жұмысқа орналасу мәселесі бойынша;

– Шардара қаласы, Ынтымақ көшесі, №41/1 үйдің тұрғыны Нұржанов Сайлау – жер мәселесі, айыппұл және жолға жолақ сызу мәселелері бойынша;

– Жаушықұм ауылдық округі, Құйған елді мекенінің тұрғыны Рзабеков Айтбай – жайылым жер алу мәселесі бойынша өз ұсыныстарын жеткізді.

Аудан әкімі тарапынан тұрғындар көтерген мәселелер бойынша тиісті мекеме басшыларына нақты тапсырмалар берілді:

– Шардара аудандық жұмыспен қамту және әлеуметтік бағдарламалар бөліміне – азаматшаның тұрмыстық  жағдайын зерделеп, заң талаптарына сәйкес материалдық көмек көрсету мүмкіндігін қарастыру;

- жұмыспен қамту орталығына тұрақты немесе уақытша жұмыс орындарын ұсыну;

- қайта даярлау немесе қысқа мерзімді оқу курстарына жолдау мүмкіндігін қарастыру;

- мемлекеттік бағдарламалар аясында жұмыспен қамту шараларына тарту;

Жер қатынастары бөліміне – жер мәселесінің заңдылығын тексеріп, нақты шешім қабылдау, тиісті органға айыппұлдың заңдылығын қарастыру және түсіндіру жұмыстарын жүргізу;

- тұрғын үй маңындағы жолға жолақ сызу бойынша жауапты мекемеге тапсырма беру;

- қауіпсіздікті қамтамасыз ету, жайылым жер беру мүмкіндігін қарастыру;

- бос жер учаскелерін анықтап, заң аясында рәсімдеу жұмыстарын жүргізу,

- азаматқа қолданыстағы тәртіп бойынша толық түсіндірме бер.

Аталған тапсырмалар бой-ынша жауапты мекемелерге белгіленген мерзімде нақты нәтижеге қол жеткізу міндеттелді.

       Аудан әкімінің баспасөз қызметі.