1 қазан – Қарттар күнiне орай аудандық ардагерлер Кеңесiнде салтанатты жиын өттi. Жиын басталардан алдын пандемия салдарынан өмiрден мезгiлсiз озған ардагерлердi 1 минут үнсiздiкпен еске алысты.
Жиында аудандық ардагерлер Кеңесiнiң төрағасы Тоқсанбай Бердiбеков хабарлама жасап, жыл басынан берi ардагерлер Кеңесiнде атқарылған жұмыстарды айтып өттi. Ауданның Құрметтi азаматтары Тәңiрбердi Ағманұлы, Жамал Төлешова, және басқа да еңбек ардагерлерi құттықтау сөз сөйледi. Мұнан соң ауданның әлеуметтiк-экономикасының өсiп-өркендеуiне үлестер қосқан аға-аналарға марапаттар мен сый-сияпаттар табыс еттi. Сондай-ақ, жиын барысында аудандық Қоғамдық Келiсiм Кеңесiнiң төрағасы Қыстау Iлесов Президент Жолдауынан туындайтын мәселелер бойынша баяндама жасады. Аудандық кәсiподақ комитетiнiң төрайымы Бақтыгүл Биманова да ардагерлерге iзгi тiлегiн бiлдiрiп, құрмет көрсеттi. Қариялар мерекесiнде ауылдарда тұратын ардагерлер қауымы да назардан тыс қалған жоқ. Аудандық ардагерлер Кеңесiнiң төрағасы Тоқсанбай Бердiбеков пен аудандық Қажылар қауымдасты-ғының төрағасы Дәулет қажы Өзденбаев, ауылдардағы ардагерлер Кеңесiнiң төрағалары Сейсен Қуан, Дүйсен Лесов, Жора Аманов, аудандық тарихи-өлкетану музейiнiң директоры Нұрлан Сымайылов, Қ.Тұрысбеков ауылдық округiнiң әкiмi Аман Алтынбеков, Жаушықұм ауылдық округiнiң әкiмi Нұрбақыт Нұрсейiтов, Қоссейiт ауылдық округiнiң әкiмi Еркiнбек Айдынбаев, Қызылқұм ауылдық округiнiң әкiмi Нұралы Исаев, Достық ауылдық округiнiң әкiмi Рахымжан Әнуарбек және басқа да еңбек ардагерлерi жасы үлкен қариялар мен сырқаттанып қалған азаматтардың шаңырақтарына барып, мерекемен құттықтады. Атап айтар болсақ, Шүкiр Жарияқұл, Мұхамбет Мұңалбаев, Шарапат Әбдiмүтәлиева, Балқия Сүйiнова, Ережеп Тiлегенов, Зөһара Мамаева, Тұрғанбек Қанаев, тыл ардагерi Құрбанбек Шәметов, Әмзе Мүсәлi есiмдi ардагерлерге сый-сияпаттар көрсетiп, көңiлдерiн көтердi.
Өз тiлшiмiзден.
