Ауданымызда «Қарттар күнi» мерекесi аталып өтiлiп, осыған орай бiршама жұмыстар атқарылды.

Атап айтқанда, 1 қазан – қарттар күнiне орай, Шардара аудандық iскер әйелдер кеңесiнiң демеушiлiгiмен, Шымкент қаласындағы қарттар мен мүгедектер үйiндегi шардаралық қарттарды аудан әкiмi атынан, аудандық жұмыспен қамту және әлеуметтiк бағдарламалар бөлiмi басшысының орынбасары – Орынша Қалшабекова, аудандық iскер әйелдер кеңесiнiң төрайымы, жеке кәсiпкер – Еркiнай Момбекова «Қарттар күнi» мерекесiмен құттықтап, сый-сияпат табыс еттi.

Аудандық жұмыспен қамту және әлеуметтiк бағдарламалар бөлiмiнiң «Үйде әлеуметтiк қызмет көрсету» бөлiмшесiнде, тiзiмде тұратын 129 қартқа «Қарттар күнi» мерекесiне демеушiлiк ұйымдастырылып, лайықты атап өтiлiп, сый-сияпаттар тапсырылды. Қариялар жақсы iске жанашырлық танытқан азаматтарға баталарын берiп, алғыстарын айтты.

Iс-шараның ойдағыдай өтуiне атсалысып, демеушiлiк танытқан Ләззат Байқошқарова («Болашақ»), Алтын Құлжанова («Асылым»),  Сәбит Таңқыбаев («Ибадулла»), Намаджан Дауылбаев («Намаджан»)  және «Алихан», «Көктем» дүкендерi басшылары мен Ақмаржан Дауылбаева, Мұхит Сүлешов, Айымхан Сандыбаева, Айжан Асанова секiлдi демеушiлiк жасаған жеке кәсiпкерлерге алғысымызды айтамыз.

Ж.ТҰРЛЫБЕКОВ, аудандық жұмыспен қамту

және әлеуметтiк бағдарламалар бөлiмiнiң басшысы.