Ауданымызда Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында «Рухани жаңғыру: Түркiстан дәрiстерi» атты кездесу өттi.
Шараны аудан әкiмiнiң орынбасары Б.Шомпиев ашып берiп, жиынға қатысушыларды дәрiс тақырыбымен, облыстан келген қонақтармен таныстырды. Дәрiстi Түркiстан қаласы Қ.А.Яссауи атындағы халықаралық Қазақ-Түрiк университетiнiң құқықтану кафедрасының доцентi, PhD докторы Е.Бекбосынов бастап, рухани тұрғыда ұлттық құндылықтар мен әлемдiк дәстүрлi дiни және адами құндылықтарға тоқталды. Сонымен қатар, Түркiстан облысы Қоғамдық даму басқармасының «Дiни бiрлестiктермен жұмыс жөнiндегi» бөлiмiнiң бас маманы Б.Әмiрханов дiни ғұрыптар мен бiрлестiктердiң маңызы мен мағынасына тоқталды.
Аудандық «Jas Otan» жастар қанатының төрағасы Н.Жиенбекұлы сөз сөйлеп, жастардың заманауи және рухани дамуы жөнiнде айтып өттi. Шара соңында еркiн пiкiр алмасу болып, Б.Шомпиев қорытынды сөз сөйледi.
Р.ПЕРДЕБЕК.
