Аудандық ардагерлер кеңесінің және  “Қызмет” Мемлекеттік, банк мекемелері және қоғамдық қызмет көрсету

қызметкерлерінің салалық кәсіподағы қоғамдық бірлестігі Шардара аудандық ұйымы филиалының ұйымдастыруымен, 1 қазан – Халықаралық қарттар күні және 10 қазанда аталып өтетін ҚР Кәсіподақтары күндеріне орай, ардагерлер арасында бильярдтан жарыс өткізілді. 

Жарыста оннан астам ардагер өзара бақ сынасты. Зейнеткерлікке шыққанға дейін еңбектің көрігін қыздырған қарттар аталған ойынды да қызықты етіп өткізді. Ойындар тартысты өтіп, нәтижесінде 1-орынды Орал Ақбердиев, 2-орынды Бәкір Қалмырза және 3-орынды Тәңірберген Ағманұлы жеңіп алды.

Жарыс соңында аудандық ардагерлер кеңесінің төрағасы Тоқсанбай Бердібеков сөз сөйлеп, жүлдегерлерге арнайы Грамоталар мен сыйлықтар табыстады. Сонымен қатар, “Қызмет” Мемлекеттік, банк мекемелері және қоғамдық қызмет корсету қызметкерлерінің салалық кәсіподағы қоғамдық бірлестігі Шардара аудандық ұйымы филиалының төрайымы Бақытгүл Биманова да ардагерлерге алдағы мерекелерімен құттықтап, кәсіподақ атынан Мадақтама хаттар табыстады.

Ал ардагерлер айтулы күнді ескеріп, игі шараға ұйытқы болған барша азаматтарға алғыс білдірді.

Аудан әкімінің баспасөз қызметі.