Кеше ауданымызда «Nur Otan» партиясы Шардара аудандық филиалы жанынан «Парасат» пікірталас клубы ашылып, алғашқы таныстырылым жиыны болып өтті.

Жиынға «Nur Otan» партиясы Шардара аудандық филиалы төрағасының бірінші орынбасары Е.Қарымсақов, аудан әкімінің орынбасары Б.Шомпиев, аудандық ардагерлер кеңесінің төрағасы Т.Бердібеков, аудандық қоғамдыөқ келісім кеңесінің төрағасы Қ.Ілесов, үкіметтік емес ұйым басшылары, белсенді жастар мен БАҚ өкілдері қатысты.

Жиын барысында Б.Шомпиев клубты құрудың мақсаты мен маңызына тоқталса, Е.Қарымсақов клубтың жұмыс қағидаттарымен кеңінен таныстырды. Сонымен бірге жиынға қатысушылар өздерін толғандырып жүрген мәселелерді ортаға салып, оларды келесі басқосуда жан-жақты талқылайтын болып келісті.

«Парасат» пікірталас клубының жұмыс жоспары мен ережесі газетіміздің 5-бетінде жарияланып отыр.

«Өскен өңір» – ақпарат.