17 қазан мен 28 қараша аралығында «Шардара орман және жануарлар әлемін қорғау жөніндегі мемлекеттік мекемесі» КММ-нің ұйымдастыруымен «Табиғат – туған анам» байқауы (өлең, фотосурет, гобелен-кесте, қолжазба, шығарма т.б) жарияланған еді.
Байқауға 12 мектептен 48 оқушы қатысып, 85-ке жуық туындыларын ұсынды. Ұсынылған материалдар 6 номинация бойынша сараланып, 9 желтоқсан күні қорытындыланды. Арнайы комиссия шығармашылық туындыларды, фотосуреттерді және тағы басқа номинациядағы туындыларды қарап шығып, саралап, өзара пікірлесе келе, әр номинация бойынша жеңімпазды анықтады.
Тақырыптық қолжазба шығармалар бойынша 1-ші орынды №1 М.Әуезов атындағы ЖОМ 8-сынып оқушысы Тоғжан Асан, 2-ші орынды Шардара мектеп-лицейінің 10-сынып оқушысы Мұхамедали Майлыбаев, 3-ші орынды №1 М.Әуезов атындағы ЖОМ 10-сынып оқушысы Сымбат Жаңбыр иеленді.
Гобелен, кесте, тоқыма туындылары бойынша 1-ші орынды №1 М.Әуезов атындағы ЖОМ 7-сынып оқушысы Нұрбақыт Жасұзақ, 2-ші орынды Қазақстан ЖОМ 4-сынып оқушысы Жазира Бақажан, 3-ші орынды Қоссейіт ЖОМ 6-сынып оқушысы Балжан Жақсылық иемденді.
Қолөнер, мүсіндер туындылары бойынша 1-ші орынға Қазақстан ЖОМ 10-сынып оқушысы Аяулым Оразалы, 2-ші орынға А.Иманов атындағы ЖОМ 3-сынып оқушысы Маржан Эскарбай, 3-ші орынға Б.Соқпақбаев атындағы ЖОМ 7-сынып оқушысы Медина Ділдахан ие болды.
Панно, аппликация туындылары бойынша 1-ші орынды С.Ерубаев атындағы ЖОМ 5-сынып оқушысы Ақбота Досболқызы, 2-ші орынды А.Әлімбетов атындағы ЖОМ 6-сынып оқушысы Айзере Шіркітбай, 3-ші орынды А.Иманов атындағы ЖОМ 6-сынып оқушысы Аңсаған Айтқали мен 4-сынып оқушысы Ая Дихан жеңіп алды.
Суреттер туындылары бойынша 1-ші орынды Қ.Сағырбайұлы атындағы ЖОМ 9-сынып оқушысы Әсем Табынбай, 2-ші орынды Шардара мектеп-лицейінің 10-сынып оқушысы Мұхамедали Майлыбаев, 3-ші орынды Ұзын ата ЖОМ 8-сынып оқушысы Ж.Берімбетова иемденді.
Өлең туындылары бойынша 1-ші орынды Ұзын ата ЖОМ 7-сынып оқушысы Меруерт Нурадулла, 2-ші орынды Қ.Сағырбайұлы атындағы ЖОМ 5-сынып оқушысы Інжу Тілеуберген, 3-ші орынды А.Иманов атындағы ЖОМ 9-сынып оқушысы Аяулым Зейілбек иеленді.
Аталған байқауға оқушыларды даярлап, белсене атсалысқан пән мұғалімдері мен жетекші ұстаздардың да еңбегі бағаланып, Алғыс хаттармен марапатталды. Атап айтқанда Шардара мектеп-лицейінен Г.Тұяқова, А.Әлімбетов атындағы ЖОМ-нан А.Шағырбаева мен А.Асанова, С.Ерубаев атындағы ЖОМ-нан Ш.Бекетова, А.Иманов атындағы ЖОМ-нан П.Басжанова, Ж.Әбдімұратова, Ж.Жолдасова, С.Әбілқасымова, Қазақстан ЖОМ-нан Қ.Жолдасова, №1 М.Әуезов атындағы ЖОМ-нан А.Сламбекова, А.Смайылова, Қ.Сағырбайұлы атындағы ЖОМ-нан А.Жолдыбаева, Н.Күлбаева, Қоссейіт ЖОМ-нан Л.Мылтықбаева, Б.Соқпақбаев атындағы ЖОМ-нан А.Ахметова, Ұзын ата ЖОМ-нан Б.Таңжаровалар осындай марапаттарға ие болды.
Н.Ералиев, «Шардара орман және жануарлар әлемін қорғау жөніндегі мемлекеттік мекемесінің» орманпатолог маманы.
