Шардара ауданы әкімінің өкімімен Айдаров Еркебұлан Тоқтарұлы аудандық мәдениет, тілдерді дамыту, дене шынықтыру және спорт бөлімі басшысы қызметіне тағайындалды.

Еркебұлан Тоқтарұлы 1985 жылы Алатау батыр ауылында дүниеге келген. Білімі жоғары.

Еңбек жолын 2008 жылы Тараз металлургиялық заводында бақылаушы болып бастаған. 2008-2011 жылдары «Парасат» колледжінде мұғалім, 2011-2014 жылдары А.Гайдар атындағы №35 орта мектебінде мұғалім, 2015-2016 жылдары Шардара аудандық балалар мен жасөспірімдер футбол мектебінде кадр нұсқаушысы, 2016-2018 жылдары Шардара аудандық дене шынықтыру және спорт бөлімінде нұсқаушы болып жұмыс атқарған. 2018-2019 жылдары Түркістан облысы №4 олимпиада резервінің мамандандырылған балалар, жасөспірімдер спорт мектебінде әдіскер, 2019-2021 жылдары Шардара аудандық дене шынықтыру және спорт бөлімінде бас маман, 2021 жылдан бері Шардара аудандық мәдениет, тілдерді дамыту, дене шынықтыру және спорт бөлімінде бас маман қызметін абыроймен атқарды.

Спорттық жетістігі – армрестлингтен Қазақстан Республикасының чемпионы, «Қазақстан Республикасының спорт шебері».

Е.Айдаровтың жаңа қызметіне толайым табыс тілейміз.

 *    *     * 

Жуырда жерлесіміз, атақты спортшы Шынболат Райханов Түркістан облыстық «Жоғары спорт шеберлігі мектебіне» директор болып тағайындалды.

Шынболат Сәрсенұлы 1991 жылы Шардара қаласында туылған. Білімі – жоғары.

Еңбек жолын 2012-2015 жылдар аралығында Шардара аудандық дене шынықтыру және спорт бөлімінің нұсқаушысы болып бастаған. 2015-2017 жылдары Шардара аудандық атлетизмнен балалар мен жасөспірімдер спорт мектебінің оқу ісі меңгерушісі, 2017-2018 жылдар аралығында Шардара аудандық жұмыспен қамту және әлеуметтік бағдарламалар бөлімінің бас маманы, 2018-2020 жылдар аралығында Шардара аудандық дене шынықтыру және спорт бөлімінің басшысы, 2020-2021 жылдар аралығында Түркістан облыстық №4 олимпиада резервінің мамандандырылған балалар мен жасөспірімдер спорт мектебінің директоры, 2021-2023 жылдар аралығында Шымкент қаласының дене шынықтыру және спорт басқармасының «Бұқаралық спорт және инфрақұрылым бөлімінің» бас маманы қызметін атқарды.

Спорттық жетістіктері – армрестлингтен ҚР 11 дүркін жеңімпазы, Азия чемпионатының 7 дүркін чемпионы, әлем чемпионатын 2 рет бағындырған, әлем кубогін 2 рет иеленген. ҚР «Халықаралық дәрежедегі спорт шебері».

Ш.Райхановтың қызметіне толайым табыс тілейміз.

«Өскен өңір» – ақпарат.