Өткен аптада қаламызда Evrika тұрмыстық техникалық құрал-жабдықтар дүкенінің ашылуы салтанатты түрте аталып өтті.
Evrika компаниясы жайлы айта кетсек, ол – электроника, ұтқыр және тұрмыстық техника сататын қазақстандық сауда желісі. Компания нарықта 23 жылдан бері еңбектеніп келеді және қазіргі уақытта Қазақстан Республикасының оңтүстік өңірінде сатылым бойынша көшбасшы. Компанияның басты құндылықтарының бірі – технологияларды қолжетімді ете отырып, адамдардың өмір сапасын арттыру.
Сондай-ақ, компанияның Шымкент, Қарағанды, Астана және Алматы қалаларында орналасқан Samsung, Sony Centre, Bosch және United Colors of Benetton монобрендтік дүкендері бар.
Компанияның барлық дүкендері бірегей форматымен және заманауи дизайнымен, озық технологиясымен және барлық тұтынушылар үшін жақсы ассортиментімен ерекшеленеді. Бірегей Smart Bonus адалдық жүйесі клиенттерге барлық тиімді акциялар мен ұсыныстардан хабардар болуға, сатып алынған тауарлар үшін бонустар жинауға және оларды кез келген компания дүкенінде пайдалануға мүмкіндік береді.
Шардара қаласындағы Evrika филиалының директоры болып Бауыржан Сариев бекітілген. Дүкеннің ашылу салтанатында Шардара ауданының Құрметті азаматы Базарбай Тілеуімбетов сөз алып, ақ батасын беріп, салтанатты түрде лентасын қиып берді.
Қуана хабарлайтын мәселе – халыққа тиімді тұстарының көптігі, атап айтқанда қазан айының соңына дейін 70%-ға дейінгі жеңілдіктерді ұсынып, бонус карталарын сыйға тартуы.
Ашылуда компания қонақтар арасында лезде ұтыс ойынын ұйымдастырып, жеңімпаздарға Evrika-да сатып алу үшін Smart Gift сертификаттарын табыс етті. Жиын соңы ақ дастарқанға ұласып, шақырылған қонақтар мен тұтынушылар дәмнен ауыз тиіп, дән риза болды.
Адамдардың жайлылығы үшін компания көптеген акцияларды ұсынады. Қазан айының соңына дейін Evrika дүкендері 70% дейін жеңілдіктер ұсынады. Әрбір сатып алу үшін бонустар клиенттің жеке шотына аударылады. Бөліп төлеу жоспарлары да бар. 16 қазан мен 31 қазан аралығында Halyk POS терминалдарында Halyk QR арқылы сатып алулар үшін төлеңіз және 10%-ға дейін бонус алыңыз.
Evrika электроника гипермаркеті Шардара қаласы, Төле би көшесі, 23 мекенжайда орналасқан.
Ең жақсы бағамен тиімді сатып алулар жасауға асығыңыз.
Мадина ЕРАЛЫ.
