ӘКІМ САЙЛАУЫ 5 ҚАРАША КҮНІ ӨТЕДІ

: Жарияланды: 27 Қазан 2023; Қаралды: 284

ПДФ НҰСҚА

Құрметтi оқырман!

Өз газеттерiңiз, сүйiктi басылымдарыңыз – «Өскен өңiрге» 2024 жылдың бірінші жартыжылдығына жазылу басталғанын назарларыңызға саламыз.

Газетiмiзге 6 айға аудандық «Қазпошта» арқылы 1957 теңге 26 тиын және «Ернұр-пресс» ЖШС арқылы 1998 теңгеге жазылуға болады.

Сонымен бiрге редакцияның өзiнде де жазыла аласыздар.

Газеттiң индексi – 66731.

ОЗАТ ҰСТАЗДАР «Ы.АЛТЫНСАРИН» ТӨСБЕЛГІСІМЕН МАРАПАТТАЛДЫ

Республика күні қарсаңында М.Қалмырза атындағы №3 мамандандырылған мектеп-интернатының қос бірдей ұстазы білім саласында жеткен зор жетістіктері үшін «Ыбырай Алтынсарин» төсбелгісімен марапатталды. Бұл марапат ұстаздардың педагогикалық қызметке қосқан өлшеусіз үлесі мен еліміздің білім жүйесін дамытуға сіңірген еңбегінің айқын дәлелі болып табылады.

Толық оқу ...

ЖЕРЛЕСТЕРІМІЗ АЗИЯ КУБОГЫНДА 23 АЛТЫН МЕДАЛЬ ЖЕҢІП АЛДЫ

Шардаралық қолкүрес шеберлері Үндістанда өткен VIII Азия кубогында тағы топ жарды. Байрақты бәсекеге сары құрлық елдерінің құрыш білекті спортшылары қатысты. Нәтижесінде шардаралықтар 23 алтын медаль жеңіп алды. "Шардара Армспорт" мектебі ұлттық құраманың командалық есепте көш бастауына осылайша орасан үлес қосты. Екінші орынды Үндістан иеленсе, Иордания үшінші орынға табан тіреді.

Жеңіс тұғырынан көрінген Ибрагим Азамат, Назар Заңғар, Хали Текжігіт, Әшім Азат, Алдан Нұрсұлтан мен Анвар Эльдар балалар арасында өз салмақтарында тең келер қарсылас таппады.

Жасөспірімдер арасында Жасурбек Маманияз, Қожабек Бекнұр, Мелдебек Болат пен Ибрагим Әділет Азия кубогының иегерлері атанды.

Ал, жасөспірім қыздар арасында Оралбай Ұлжан мен Оразхан Ырысты қоржынға қос алтынды салса, жастар арасында Азия кубогы Айыпхан Ерсұлтанның қоржынына түсті.

Ересектер арасында Қожантай Бекжан, Зәрубек Санжар, Ерсайын Мейрамбек, Айдархан Нұрдаулет, Қаржау Есболат, Бекжігіт Асылжан, Тұрғанбек Тұрарбек, Басымбек Нұрболат, Хали Қасымжомарт пен Роман Данияр қарсыластарын қапы қалдырып, алтын медаль алды.

"Өскен өңір" - ақпарат.

ЖАСТАР АРАСЫНДА "ЖАЙДАРМАН" ӨТТІ

Жаушықұм ауылдық округі әкімдігінің ұйымдастыруымен «Жаушықұм» мәдениет үйінде 25 қазан – Республика күніне орай жастарды өнер мәдениетіне баулу арқылы танымдық қызығушылығын, сахна мәдениетін қалыптастыру, талантты жастарды қолдау мақсатында «Болашақ үміт – жастарға сенім" атты тақырыпта аудан жастары арасында Жаушықұм әкімі кубогының ақтық сайысы өткізілді.

Толық оқу ...

ӘЛЕМ ЧЕМПТОНАТЫНДА 5 ЖҮЛДЕ ИЕЛЕНДІ

Қазан айының 10-ы мен 15-і аралығында Грекия елінің Корфу қаласында гір спортынан ересектер арасында Әлем чемпионаты өтті. Әлемнің түкпір-түкпірінен әр елдің ең мықты гір тасын көтеруші хас шеберлері жиналған байрақты бәсекеде жерлестеріміз ел атынан сынға түсті. Әлемдегі кіл мықтылармен күш сынасқан ауданымыздың спортшылары 2 алтын, 1 күміс, 2 қола жүлде иеленіп, мерейімізді асырды.

Толық оқу ...