Шардара аудандық ардагерлер үйінде Жаңа жыл мерекесі қарсаңында алқалы жиын болып, елге мәлім еңбек ардагерлері түрлі деңгейдегі марапаттарға ие болды. Ардагерлер кеңесінің төрағасы Тоқсанбай Бердібеков жиналған көпшілікті Жаңа жыл мерекесімен құттықтап, аудан ардагерлерінің 2023 жылы жеткен жетістіктері мен атқарған жұмыстарын ерекше атап өтті.

Мұнан кейін марапаттау шарасы өткізіліп, аудандық Ардагерлер Кеңесі жанындағы «Әжелер алқасының» мүшелері, төрайымы Мәрия Ақжар «Ел құрметі» төсбелгісін алса, Жаушықұм ауылынан Еркежан Досмырзаева, Караматайы Назарова және Тұрсын Темірбековалар «Ерен еңбек иесі», «Ы.Алтынсарин» медальдарымен марапатталды. Еңбек ардагері Қалдыбек Молданазаров «ҚР Тәуелсіздігіне 30 жыл» медалін иеленді. Ал Серікбай Ердосов, Ибрагим Бектұрсынов, Сайдулла Ілесбеков, Ислам Мұсаев және Жиенбек Тоқмырзаев сынды белсенді ардагерлерге аудандық ардагерлер кеңесінің төрағасы Т.Бердібековтың Алғыс хаттары табыс етілді.

Өз тілшімізден.