«Ауыл – ел бесігі» бағдарламасы аясында Қоссейіт ауылдық округіндегі 9 көшеге асфальт жабыны төселуде.
Атап айтқанда, Асық ата, Сейфуллин, Абай, Әйтеке би, Жамбыл, М.Әуезов, Д.Қонаев, М.Мәметова және Бектұрғанов көшелері асфальттануда.
Асфалть төселетін ішкі жолдардың жалпы ұзындығы 9,5 шақырымды құрайды. Қоссейіт ауылында жалпы 15 көше болса, оның 9-ы асфальттанса ішкі жолдар 100 пайыз аяқталады. Алдағы уақытта тек ауылдық округтегі жаңадан қолға алынып жатқан тұрғын үй учаскелеріндегі көшелерді жөндеу жұмыстары ғана қалмақ.
Биыл мұнан бөлек Шардара ауданында аталмыш бағдарлама аясында Қ.Тұрысбеков ауылындағы 5 көшені асфальттау жұмыстары жүрмек.
«Өскен өңір» – ақпарат.
