Қаралды: 839

Өткен аптада Түркістан облысы әкімінің орынбасары Рашид Аюпов ауданымызда болып, балық өңдейтін өндірістік кәсіпорындардың жұмысымен танысты.

Облыс әкімінің орынбасары ең алдымен "Жалғасбаев" балық өңдеу зауытында, "Vita" торлы шарбақты және тоғандарда балық өсіру бассейндерінде болды. Сондай-ақ, "Хамит" балық өңдеу зауытына барып, балық шаруашылығымен айналысатын кәсіпкерлермен кездесті. Жиын барысында кәсіпкерлер тарапынан Шардара су қоймасындағы ағын су деңгейі, балық азығының сапасын арттыру арқылы тұқымын асылдандыру, балық шаруашылығын несиелендіру және субсидиялау бойынша бірқатар мәселелер көтерілді.

Сонымен қатар, кездесу барысында аудан әкімі Қ.Жолдыбай аудандағы балық  шаруашылығына байланысты қосымша атқарылуға тиісті жобалар мен мүмкіндіктерді атап өтті.

Жан-жақты мәселелерге қанық болған облыс әкімінің орынбасары Р.Аюпов кәсіпкерлердің мәселелерін жеке-жеке сұрап, оны шешу бойынша тиісті жұмыстар жүзеге асырылатынын және республикалық деңгейде шешуді талап ететін түйінді мәселелерді салаға жауапты министрлікке жеткізетінін айтты.

Бастысы, аудандағы балық өнімділігін екі есеге арттыру бойынша жұмыс атқару қажет екендігіне баса назар аударды. 

Аудан әкімінің баспасөз қызметі.

Қаралды: 779

Аудан диқандары биылғы жылы 12 192  гектар жерге мақта дақылын егіп, 25 қазанға дейінгі жағдай бойынша алдарына міндет етіп қойған шитті мақта жинау жөніндегі межені абыроймен орындап шықты.

Қаралды: 852

Өткен аптада шырайлы шаһарымыз Шардараның қала статусын алғанына 53 жыл толып, апта бойы аталып өтті.

Қаралды: 911

Биыл еліміздің Тәуелсіздігіне 30 жыл толады. Осы айтулы мереке қарсаңында еліміздің өсіп-өркендеуіне өзіндік үлесін қосып жүрген ел ағалары аудандық, облыстық, республикалық деңгейлердегі марапаттарға ие болып, еткен еңбектерінің жемісін көруде. Сондай-ақ еңбегі кейінгі жастарға үлгі болған азаматтарымыз қоғамдық бірлестіктер мен ұйымдардың да назарынан тыс қалмай өзіндік бағасын алуда.

Айталық республикалық «Ынтымақ жолы» қоғамдық қорының шешімімен  Қала күні қарсаңында бір топ ардагеріміз бен азаматтарымыз  төсбелгі тағынып, марапат иелері атанды.

Осы қордың мүшесі Сәлім Бүркітбаев еңбек ардагерлері Пәрімбай Төребековті «Еселі еңбегі үшін – Еңбек ардагері» медалімен марапаттап, Базарбай Жораев, Амангелді Саудабаев, Жамантай  Жаңабаев, Есенбек Смайылов, Ибрахим Бектұрсынов, қала әкімі аппаратының қызметкерлері Тазагүл Жұмалиева, Гулвира Құрманбек және Бауыржан Тойтановтарға «Еселі еңбегі үшін – Қазақстанға 30 жыл»  мерекелік төсбелгісін табыстады. Бұл марапатқа жақында ғана республикалық «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағының «Мемлекеттік қызметкерлері кәсіподағының үздігі» төсбелгісімен марапатталған қала әкімі аппаратының жалпы бөлімі басшысы Қасымхан Мырзабаев  та ие болды. Ал аудандық аурухана бас дәрігері Бауыржан Әбдімәлік «Еселі еңбегі үшін – Үздік медицина маманы» төсбелгісін тағынды.

Сол сияқты қала әкімі Ережеп Бекет Шардара қаласының өсіп өркендеуіне үлес қосқан Саудабаев Амангелді, Данияров Асылхан, Барболов  Жеңіс, Биту Жанайдар,  Мұңалбаев Маханбет, Сермаңызов Құттыбай, Ерназаров Қуаныш, Байділлә Рахматулаев, қаржы саласының ардагері Нақанша Қалмұратов пен ардагер ұстаз Махмұт Момыновтарды қала күні мерекесімен құттықтап, арнайы шығарылған «Еселі еңбегі үшін» мерекелік төсбелгісімен марапаттап, ардагер ұстаз Мұңалбаев Маханбеттің иығына оқалы шапан жапты.

Марапаттарыңыз құтты болсын!

Ж.Жігерұлы.

Қаралды: 839

Мешіт салу, мешіттерге көмек беру – исі мұсылманның міндеті һәм парызы. Хақ Тағала қасиетті Құранда дінге жәрдем беруге бұйырған. Алла да, біз де дінге көмек беретін, мешіттерге құрметпен қарайтындармен мақтанамыз.

Биыл Шардара аудандық орталық мешітінің бас имамының ұйымдастыруымен орталық мешіт күрделі жөндеуден өткізіліп жатыр. Отыз жылдан бері жөндеу көрмеген мешіт жаңаша күйге енуде.

Мұнан бөлек, таяуда дінге жанашыр кәсіпкерлердің көмегімен мешіт ауласына асфальт төселді. Бұл жұмысқа жаны жомарт жандар 5 млн. теңге жұмсаған.

Аталған жұмыс аяқталған тұста аудан имамы Марат Асанов Алланың жердегі үйіне жәрдемдескен азаматтарға шын жүрекпен алғыс айтты. Алла олардың кәсіптеріне береке берсін, дегіміз келеді.

Өз тілшімізден.

Қаралды: 1299

Құрметті шардаралықтар және қала қонақтары!

Сіздерді Шардара қаласы күні мерекесімен  шын жүректен құттықтаймыз.