Қаралды: 755

Елiмiзде 2020 жыл – «Ерiктiлер» жылы деп жарияланып, бұл бағытта көптеген жұмыс атқарылды. Ерiктiлiк – жастардың өз белсендiлiгiн көрсетiп қана қоймай, адамдарға көмек беру арқылы тәжiрибе жинауға, өмiрлiк маңызды дағдыларды дамытып, әлемдi жаңа қырынан тануға мүмкiндiк бередi. Сондықтан уақытты ерiктiлiкке жұмсау – уақытты текке өткiзу емес, тұлғалық дамуға құйылған ең қымбат инвестиция.

Бүгiнде елiмiзде ерiктiлiк қарқынды дамуда. Әр қалада қарттар, жетiмдер, әлеуметтiк осал топ отбасылары, апат құрбандары секiлдi көмек қажет ететiн жандарға қол ұшын созып жүрген жастар ұйымының саны жыл санап артуда. Бүгiнде елiмiз бойынша iрi қалалар мен ауылдарда 200 волонтерлiк ұйым жұмыс iстейдi.

Шардара ауданында да «Жастар ресурстық орталығының» үйлестiруiмен құрылған 2 ерiктiлер тобы жұмыс iстейдi. Олар жастардан құралған көмекке мұқтаж жанға демеу болып жүрген қайырымды жандар.

Апта барысында «Amanat» партиясы Шардара аудандық филиалы жанындағы партиялық бақылау комитетiнiң төрағасы Сәбит Лаханов пен аудандық мәслихат депутаты, «Amanat» партиясы фракциясының мүшесi Ғалымжан Асылбековтер ерiктiлер клубының жұмыстарына зерделеу жүргiздi.

Осы жылдың 6 айында ерiктi жастармен Шардара қаласында, ауылдық округтерде қала, ауыл көшелерi мен аулаларында, өзен-су жағалауларында 25 сенбiлiк; 

- Әлеуметтiк жағдайы төмен, жалғызiлiктi қарт кiсiлер, мүмкiндiгi шектеулi жандардың үйiне барып үй шаруаларына көмектесу, азық-түлiк себеттерiн үйлестiру секiлдi 8 қайырымдылық iс-шаралары;

- Кеңес әскерлерiнiң Ауғанстан жерiнен шығарылғанына 33 жыл толуына орай Ауған соғысы ардагерлерiнiң үйлерiне барып құттықтап, үй шаруаларына қолғабыс жасау бойынша 8 қайырымдылық акциясы;

- Ұлы Отан соғысындағы Жеңiстiң 77 жылдығына орай тыл ардагерлерiн құттықтап, тұрмыстық шаруаларына көмек көрсету бойынша 6 қайырымдылық акциясы;

- Тарихи орындарға, әскери бөлiмдерге және өлкетану мұражайына ерiктi жастардың 8 экскурсиясы ұйымдас-тырылған.

«Әлсiзге қол ұшын созу, жасы үлкен адамға көмектесу, жетiм мен жесiрдi жылатпау – қазақ қоғамының ажырамас бөлiгi. Мемлекет басшысы осындай ұлттық құнды-лығымызды ұрпақ санасына сiңiру мақсатында осы нәрсенi жүйеге салып, заңды тұрғыда реттеп, жаңа деңгейге көтеруде. Бiздегi ерiктiлер тобы мұқтаж жанға қолдарынан келген көмектi жасауға әрдайым даяр. Арыста болған апат кезiнде, Мақтаарал ауданын су басқан сәттерде аудан тұрғындарынан көмек жинап, қол ұшын созды. Қайырымдылық қанымызға сiңген қасиет болғандықтан, аудан тұрғындары да бей-жай қарамай, көптеп көмегiн тигiздi», – дейдi Шардара аудандық «Жастар ресурстық орта-лығының» директоры Батыр Қалдарбек.

 «Amanat» партиясы Шардара аудандық филиалының баспасөз қызметi.

 

Қаралды: 882

Шiлде айының 12-17 күндер аралығында Ақтау қаласында бокстан жасөспiрiмдер арасында Қазақстан Республикасының чемпионаты өттi. Әлем чемпионатына жолдама үшiн таласта «Шардара аудандық жекпе-жек спорт түрлерiнен спорт клубының» спортшылары сынға түстi.

Елiмiздiң түкпiр-түкпiрiнен келген былғары қолғап шеберлерi арасында 52 келi салмақта шаршы алаңға шыққан Ташкенбай Ажар қарсыластарынан басым түсiп, алтыннан алқа тағынса, 66 келiде бақ сынаған Нұрбаш Арайлым қола алқаны қанағат тұтты.

Ел чемпионатында жеңiс тұғырынан көрiнген спортшыларымызды және бапкерi Қуандық Мадиярды жүлделерiмен құттықтай келе, алдағы байрақты бәсекелерде жеңiс тұғырынан көрiнуiн тiлеймiз!

Б.Нарбай.

Қаралды: 635

Түркiстан қаласында тұңғыш рет жағажай ашылды. Тарихи шаһардағы туристiк-рекреациялық орталығының ашылу салтанатына Түркiстан облысының аудан, қалалары мен Шымкент қаласынан және өзге де шаһарлардан саяхатшылар келдi. Түркiстан облысының әкiмi Өмiрзақ Шөкеев «Шаға» жағажайын аралап көрiп, жұмысына сәттiлiк тiледi.

Қаралды: 627

Аптаның алғашқы күнiнде аудандық қоғамдық кеңестiң кезектi жиыны болып өттi. Жиынға аталған кеңес мүшелерi, аудан әкiмiнiң орынбасары Б.Шомпиев және БАҚ өкiлдерi қатысты. 

Қаралды: 622

ҚР Ауыл шаруашылығы министрлiгi мен «Атамекен» Ұлттық кәсiпкерлер палатасы тарапынан әлеуеттi жанар-жағармайды жеткiзушi операторларға, ауыл шаруашылығы тауар өндiрушiлерiне және аудан, қала әкiмдiктерiне көктемгi, күзгi дала жұмыстарын жүргiзу үшiн жасалынып бекiтiлген алгоритмге сәйкес, Шардара ауданына 2022 жылы көктемгi дала жұмыстары үшiн жанар-жағармайды

Қаралды: 619

Осы аптада Шардара аудандық полиция бөлiмiнде 23 маусым «Полиция күнi» мерекесiне орай iшкi iстер органдарында көп жылдар еңбек етiп, зейнеткерлiкке шыққан ардагерлердi Қазақстан Республикасы Iшкi iстер министрлiгi атынан  «Қазақстан полициясына – 30 жыл» төс белгiсiмен марапаттау iс-шарасы өткiзiлдi.