Қаралды: 121

Ауған соғысы – Кеңес Одағы кезіндегі тарихи оқиғалардың бірі. Биыл Кеңес әскерлерінің Ауғанстан жерінен толықтай шыққанына 36 жыл толып отыр. Осы тұрғыда аудан әкімі ардагер жерлестерімізді қабылдап, құрмет көрсетіп, алғыс білдірді.

Қаралды: 14

Кешегі аптада Ақтөбе қаласынның "Қоныс" спорт кешенінде “Alash Pride-100” турнирінде жерлесіміз, Сүткент ауылының келіні Файзоллақызы Зәмзәгүл қарсыласын қолын қайыру әдісімен жеңіп, чемпиондық белбеуге ие болған болатын.

Жерлесіміздің осынау жеңісіне орай өткен аптада аудан әкімінің орынбасары Б.Шомпиев З.Файзоллақызын қабылдап, құрмет көрсетті. Сондай-ақ, аудан әкімінің атынан Алғыс хат пен сый-сияпат тапсырып, ыстық лебізін білдірді.

Шардараның ұл-қыздарын былай қойғанда, келіндеріне дейін чемпион ғой!

Жеңіс құтты болсын!

«Өскен өңір» – ақпарат.

Қаралды: 250

Құрметті  шардаралықтар!

Баршаңызды  келе жатқан Жаңа жыл мерекесімен шын жүректен құттықтаймыз!

Жаңа жыл – өткен жылы атқарылған жұмыстарды зерделеп, тың қадам жасайтын, рухани серпін беретін, жақсылыққа ұмтылдыратын, жарқын өмірге жол сілтейтін мереке.

Қаралды: 62

1-қазан – Халықаралық қарттар күніне орай, аудан әкімі Қайрат Жолдыбай және аудандық ардагерлер кеңесінің төрағасы Тоқсанбай Бердібеков ғасырмен құрдас қарттарды құттықтап шықты.

Сондай-ақ, аудандық мәдениет үйінде мерекеге орай салтанатты шара ұйымдастырылып, аудан басшысы  қатысты.

— Сіздерді 1-қазан Халықаралық қарттар күні меркесімен шын жүректен құттықтаймын.

Біріккен Ұлттар Бас Ассамблеясы 1990 жылғы 45-сессиясында 1-қазанды Халықаралық қарттар күні деп жариялады. Міне осы күннен бастап бұл мереке кең көлемде атап өтілуде.

Сіздер кейінгі ұрпақты ізгілік пен мейірбандылыққа, Отанымызға адал қызмет етуге, айналадағы адамдардың өмірге, қоғамға деген оң көзқарасын қалыптастыруға үйретіп келесіздер. Егемен еліміздің жарқын болашағына сеніммен қарауды, жақсы күндерді еселі еңбегімізбен жақындатуды біз сіздерден үйреніп келеміз.

«Қарты бар  елдің қазынасы бар» дейді халқымызда. Ел мүддесін бәрінен биік қойып, ұрпағына ұлылығын ұялата білген ардагерлерімізді құрметтеу – азаматтық парызымыз. Сіздердің жүріп өткен жолдарыңыз, абыройлы еңбектеріңіз – жас ұрпақ үшін әрдайым үлгі-өнеге.

Жарқын болашақ, кемелді келешек үшін қажымай еңбек еткен қарттарымызға деген құрмет пен ізгі ниетіміз әрдайым ерекше. Әрқашан да арамызда ақылшы, кеңесші бола жүріп, елді бірлікке, ынтымаққа шақырып, үлгі - өнеге көрсете береді деп сенемін!

Сіздерді тағы да төл мерекелеріңізбен құттықтай отырып, дендеріңізге саулық, отбасыларыңызға  бақыт, берекелі  де  ұзақ  ғұмыр  тілеймін! – деді Қ.Жолдыбай.

Сонымен қатар шара барысында ауданның әлеуметтік-экономикалық дамуына үлес қосқан ардагерлер, ақсақалдар мен аналар аудан әкімінің, мәслихат хатшысының және аудандық ардагерлер кеңесі төрағасының Алғыс хаттары мен бағалы сыйлықтарына ие болды.

Айта кетсек, Қалмырза Бәкір, Қыстау Ілесов, Ұлдықыз Зейнеделова, Төлбасы Бектасов, Мергенбай Сламбек, Орал Бердалыұлы, Жамал Төлешова, Ұлбасар Бекболатқызы, Тәңірберді Ағманұлы, Әбубәкір Ақманұлы, Құттыбай Серманизов, Жаңылай Айдарова, Жарылқасын Мүталиева, Байдулла Рахматуллаев, Дүйскенкүл Дәуренова, Мырзатай Әмзеұлы, Биту Жанайдар, Ибрагим Нұрғали, Әлменов Түймебай, Мұсахан Мархабаев, Гүлзағира Дәулетқызы, Серікбаев Оралбай, Мырзан Тұрғынбаев, Жамила Сарсенбаева, Қылыш Сатбаев, Тілеген Сражиддин, Әбдіш Төреұлы, Анар Мошқалова, Қалыбай Қадыров, Дүйсен Ілесов, Есенбек Қақанұлы, Серікбай Ердосов, Кінәзбек Күнжігітов, Жантөре Сыпабек, Балтабай Сартжаев, Садық Ерманов, Серік Досұлы, Әлібай Пайызов, Егемберді Дүйсенов, Жаңабай Сейдуалиев, Дәулет Үзденбаев, Жеңіс Барболов, Жаңабай Жамантай, Құрбан Ештаев, Алшыораз Сариев, Тажиев Ибрагиұлы, Қуан Сейсен, Түгелқос Жанықұлов, Дәулет Базаров, Есенкүл Нұртаева, Мұрат Нұрпейісов, Аман Жора, Аман Жахан, Жұмабай Есімов, Есенбек Смайлов, Орман Шамшиев, Күлпан Ерімбетова, Орынтұр Дүйсенбиев, Омар Махан, Анатолий Таламицов, Зеркүл Қалдарбекова, Жаңыл Қарабекова, Боранбай Жиренбаев, Айтқали Тажиев, Әнурбек Нысанов сынды Шардара ауданына еңбегі сіңген ардагер қариялар марапатталды.

Шарада мерекелік әннен шашу шашылып, қарттарға ерекше құрмет көрсетілді. 

Аудан әкімінің баспасөз қызметі.

Қаралды: 75

Елімізде қазан айының үшінші жексенбісі – Орман шаруашылығы қызметкерлері күні ретінде аталып өтіледі. Табиғат жанашырларының төл мерекесі биылғы жылы 16 қазанға дөп келді. Республика күні қарсаңына тура келген төл мерекелерін «Шардара орман және жануарлар дүниесін қорғау» мемлекеттік мекемесі көтеріңкі көңіл-күймен атап өтті.

Мереке күні аталған мекеменің ұйымдастыруымен орман шаруашылығы қызметкерлері арасында кіші футболдан турнир болып өтті. Жарысқа орманшылардан құрылған 6 команда қатысып, өзара мықтыны анықтады. Мерекелік турнирдің ашылу салтанатында аудан әкімінің орынбасары Бауыржан Шомпиев, «Шардара орман және жануарлар дүниесін қорғау» мемлекеттік мекемесінің басшысы Дулат Сартбаев, «Өскен өңір» газетінің бас редакторы Сәбит Лахановтар сөз алып, табиғат қорғаушыларды мерекелерімен құттықтады. Сонымен бірге осы салада жемісті еңбек етіп жүрген бір топ қызметкерлерге аудан әкімі атынан, өзге де мекеме басшылары атынан Алғыс хаттар табыс етті.

Жарыс қорытындысы бойынша жеңімпаз командалар мен үздік ойын көрсеткен ойыншылар бағалы сыйлықтарға ие болды. 

Өз тілшімізден.

 

Қаралды: 341

«Қызмет»  мемлекеттiк, банк мекемелерi және қоғамдық қызмет көрсету қызметкерлерiнiң салалық кәсiподағы» қоғамдық бiрлестiгi Шардара аудандық филиалының ұйымдастыруымен Астана күнiне орай «Қасиет» қызмет көрсету орталығында «Ағалар салған сара жол» тақырыбында ардагерлер, мемлекеттiк қызметшiлер мен мүмкiндiгi шектеулi жандар арасында бильярд, шахмат, дойбы, стол теннисi және тоғызқұмалақтан жарыс өттi. Жарыстың мақсаты – ардагерлер мен жастар арасындағы байланысты нығайту, мемлекеттiк қызметтiң беделiн көтеру.