Қаралды: 1083

Таяуда ақын, майталман мақташы, "Құрмет" орденінің иегері Тұрғанбек Қанаевтың баспадан тағы бір кітабы жарық көрді. Сиясы кеппеген жинақтың аты – «Шардарадан шырқалған әндер» деп аталады. Атауының өзінен-ақ ән жинағы екенін аңғаруға болады.

Қаралды: 438

Апта барысында аудан әкімі Арман Қарсыбаев қаладағы бірнеше нысанды аралады. 

Ең алдымен қалаға кіреберіске барып, төрт қақпа маңындағы сәулеттік нысандардың  жай-күйімен танысты. Сондай-ақ, Шардара-Келес және Жаушықұмға қарай бағытталған жолдың бойындағы жаңа саябақтың құрылысын бақылады.

Қаралды: 430

Аудандық емханаға барар жолдың тарлығы, "Жедел жәрдем" көліктері кеңсесіне барар жолды асфальттау мәселесі көптен бері көтеріліп жүрген.  С.Әшіров көшесінен емханаға қарай бұрылған соң ары қарай көлікпен жүру тіпті қиын еді.

Қаралды: 618

Балалар мектепте тегін ыстық тамақ пен дәрі-дәрімек ала алады

Жаңа оқу жылы басталғанда еліміздің барлық өңірінде «Әлеуметтік әмиян» жобасы іске қосылады. Оқу-ағарту министрлігі Цифрлық даму, инновациялар және аэроғарыш өнеркәсібі министрлігімен бірлесе отырып, eGov mobile мобильді қосымшасында «Әлеуметтік әмиян» арқылы мектептерде тегін тамақтандыру бойынша пилоттық жобаны іске қосты.

Қаралды: 497

Кешегі аптада ауданымызда «Ономастикалық мәселелер мен ескерткіштерді орналастыруда қойылатын талаптар» тақырыбында көшпелі облыстық семинар өтті.

Қаралды: 783

Газетіміздің өткен нөмірінде әділет кеңесшісі Әлі Алмас Ермекұлының Шардара ауданына прокурор болып тағайындалғанын жазған болатынбыз. Аудан прокуроры болып тағайындала сала Алмас Ермекұлы аудан халқымен танысып, алғашқы жұмысын аудан ардагерлерімен кездесуден бастады.

Аудандық ардагерлер үйіндегі жиында жаңадан тағайындалған прокурорды ардагерлерге таныстырған аудандық ардагерлер кеңесінің төрағасы Тоқсанбай Бердібеков аудан прокуратурасы мен аудан ардагерлері арасындағы ұзақ жылғы өзара байланыс жөнінде кеңінен әңгімелеп, алдағы уақытта бұл дәстүрдің жалғаса беретінін, жастар тәрбиесі мен құқықбұзушылықтың алдын алу бағытындағы жұмыстарға ардагерлер де атсалыса беретіндігін атап өтті.

Сонымен қатар еңбек ардагерлері – Жамантай Жаңабаев, Тәңірберді Ағманов, Оралбек Ақбердиев, аудандық Ақсақалдар кеңесінің төрағасы Қыстау Ілесов, аудандық Қажылар қоғамдастығының төрағасы Дәулет қажы Үзденбаев, тағы басқалар аудан прокуроры болып тағайындалған Алмас Ермекұлының алдағы жұмыстарына жетістіктер тілеп, сонымен қатар өздерінің өтініштерін де білдірді. Таза ауыз су, жастар тәрбиесі, көлік қозғалысы бойынша орын алған кемшіліктерді жоюға атсалысуын өтінді.

Өз сөзінде Алмас Ермекұлы әрқашан аудан халқымен, оның ішінде ардагерлермен бірлесіп жұмыс істейтіндігін атап өтті.

Алғашқы жұмысын ақсақалдардан бата алудан бастаған Алмас Ермекұлының заңсыздықтарды жою бағытындағы жұмыстарына сәттілік тілейміз.

«Өскен өңір» – ақпарат.