Қаралды: 713

Кешегі аптада Қарттар күніне орай аудандық ардагерлер кеңесінің төрағасы Тоқсанбай Бердібеков еңбек жолын  бұрынғы астық қабылдау мекемесінде өткерген, жасы 75-ті алқымдаған Тілегенова Қалдан Төлегенқызын арнайы қабылдап, құттықтады.

Қалдан апамыз 1949 жылы туылған. Өткен ғасырдың 60-шы жылдарының соңында Тілегенов Күзенбай ақсақалдың шаңырағына келін болып түскен. Жұбайы Тілегенов Сексенбай да ауданымыздың әлеуметтік дамуы жолында аянбай еңбек еткен.

Қалдан апа 1980 жылы бұрынға астық қабылдау мекемесіне жұмысшы болып қабылданып, зейнеткерлікке шыққанша табан аудармай сол мекемеде еңбек етті. Мекеме тарапынан бірнеше грамоталармен марапатталған.

Апамыз өнерден де құр алақан емес. Аудандық әжелер сайысында бас жүлде алып, Ташкент қаласына саяхаттап келді. КТК телеарнасының «Келіңдер, ән шырқайық» бағдарламасында да Бас жүлде алған.

Жасы 70-тің жотасынан асса да белсенді қалпынан танбаған Қалдан апаға зор денсаулық тілейміз. 

Өз тілшімізден.

Қаралды: 1890

Мемлекет басшысы Қасым-Жомарт Тоқаев Парламент палаталарының бірлескен отырысында «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына кезекті Жолдауын жариялады. Мемлекет басшысының Жолдауын ауданның Ардагерлер Кеңесінің төрағасы Тоқсанбай Бердібеков және бірқатар еңбек ардагерлері тікелей эфир арқылы тыңдады.

Қаралды: 5607

ЛЕСБЕК АМАНОВТЫҢ 70 ЖЫЛДЫҒЫНА АРНАЛҒАН БАЙҚАУ ӨТТІ

Жерлесіміз, әйгілі сазгер, Шардара ауданының Құрметті азаматы Лесбек Анасұлы Аманов осыдан 7 жыл бұрын арамыздан озып еді. Әндері қазақтың паң даласын тербеген сазгер биыл 70 жасқа толар еді. «Ажал – айла таптырмас» деген, Алланың ісіне амалымыз жоқ. Бірақ артында қалған елі, өнерсүйер қауым Лекеңді ешқашан ұмытпақ емес. Сәрсенбі күні аудандық мәдениет сарайында Лесбек Амановтың 70 жылдығына орай «Қара бауыр қасқалдақ» атты облыстық ән байқауының өтуі сөзімізге дәлел болса керек.

Қаралды: 6179

Дүниеге келген әрбір жанның, мынау қарбалас, тынымсыз тіршілікте алатын өзіндік орны, дәрежесі, сыйы, құрметі, абырой-атағы болары сөзсіз. Ал ол әр адамның еселі еңбегі мен тынымсыз ізденісіне, қажыр-қайраты мен адамгершілік қасиетіне, білім мен біліктілігіне, пайым-парасатына байланысты.

Қаралды: 6555

Шардара аудандық тарихи-өлкетану музейінің ұжымы еңбек ардагерлерінің ерен еңбектерін насихаттауда сүбелі үлес қосып жүр. Осы мақсатта музей қабырғасында көрмелер ұйымдастырылып, кездесулер өтіп тұрады. Музей қызметкерлерінің апта барысындағы кезекті іс-шарасы «Еңбегін ел құрметтеген» атты көрме аясында ардагер құрылысшы, ауданымыздың Құрметті азаматы Ақбердиев Оралбай Бердалыұлының өміржолына арналды.

Қаралды: 10647

Тұрғанбек Қанаев – өңірімізге белгілі ақын, қаламгер, еңбек ардагері. Шаруашылық жұмыстарымен қатар қолынан қаламын тастамаған Тұрекеңнің қаламынан туған туындылар туған елдің тұғырын биіктетіп, тұлғаларын жұртшылыққа танытты. Одан бөлек, халықтың мұң-мұқтажын да қаламына арқау етіп, диқандар қауымы үшін өзекті деген мәселелердің шешімін табуына үлес қосты.