Қаралды: 898

Еліміздің бірнеше өңіріндегі су тасқынына байланысты Түркістан облысы «Жастар ресурстық орталығы» ғимаратында 27 наурыздан бастап гуманитарлық көмек қабылдайтын штаб жұмыс істеп жатыр. Сонымен бірге Түркістан облысының барлық аудан, қалаларында штабтар ашылып, тұрғындардың көмектерін қабылдауда.

Қаралды: 1160

Кешегі аптада аудандық мәслихаттың мәжіліс залында фракция отырысы өтті. Жиынға «AMANAT» партиясы Шардара аудандық филиалының төрағасы Е.Бекет, аудандық мәслихаттағы аталған партияның 10 депутаты, фракция мүшелері, мекеме басшылары қатысты. Жиынға фракция жетекшісі Талғат Жалғасбаев төрағалық етіп, жүргізіп отырды.

Қаралды: 974

Наурыз мейрамы қазақ жерінде сан ғасырлардан бері тойланып, ұрпақтан-ұрпаққа мұра болып келе жатса да, Кеңес үкіметі бұл мерекені "діни мейрам" деп танып, 1926 жылы ресми түрде тойлауға үзілді-кесілді тыйым салған еді. Көктемнің шуақты мейрамы салт-дәстүрді берік ұстанған қазақ отбасыларында ғана жасырын түрде аталып өтті. Осылайша қазақ жерінде 62 жыл бойы ұмыт болған Наурыз мейрамы 1988 жылы қайта жаңғырды. Жыл басы мерекесі 1991 жылдан бері елімізде мемлекеттік мәртебеге ие болып, тұрақты түрде тойланып келеді.

Қаралды: 871

Рамазан айындағы ең сауапты амалдардың бірі – ораза ұстаушыға ауызашар беру. Ауызашар беру – сауабы мол амал. Пайғамбарымыз: «Ораза ұстаушыны тамақтандырған адам (ауызашар берген) оның сауабын алады. Әрі оған ораза ұстаушының сауабы еш кемітілмей беріледі» деп сүйіншілеген.

Қаралды: 937

Кешегі аптада «Қазсушар» РМК Түркістан филиалының директоры Қазыбек Бедебаев Шардара ауданына жұмыс сапарымен келді. Сапар барысында Қызылқұм каналындағы құрылыс жұмыстарын бақылап көрді.

Қаралды: 1512

Аудандық орталық мешітте бас имам Марат Асановтың ұйытқы болуымен «Рамазан қоржыны» шарасы өтіп, аз қамтылған және көпбалалы, мүмкіндігі шектеулі, тағы басқа санаттағы отбасыларға азық-түлік таратылды. Қайырымдылық акциясына мешіт имамдары мен қызметкерлері атсалысуда. Қасиетті айдың қарсаңында қолға алынған ізгі істің маңыздылығына тоқталған бас имам мұндай шаралар әлі де жалғасын табатындығын айтты.

«Асыл дінімізде кімде-кім бұл дүниеде мұсылман бауырының қайғысын сейілтсе, Алла Тағала қияметте оның қайғысын сейілтеді. Ал, кімде-кім қиындыққа тап болғанның жағдайын жеңілдетсе, Алла оның ісін осы дүниеде және қияметте де жеңілдетеді» деген. Ендеше, осындай сауапты бастамаға атсалысқан әрбір жомарт жандарға Алла Тағала разы болсын», – деген М.Асанов қайырымдылық шарасына қолдау көрсеткен азаматтарға алғысын білдірді.

Өз тілшімізден.