Қаралды: 1346

Шымкент қаласында маусым айының 6-сы күні қазақ күресінен ересектер арасында қала күніне орайластырылған "Шымкент Барысы" турнирінің іріктеу жарысы өтті.

Қаралды: 1291

Соңғы кезде шардаралық боксшы қыздардың бағы жанып тұр. «Тіл-көзіміз – тасқа» деп қоялық.

Мамыр айының 13-23 күндері аралығында Франция мемлекетінің Нормандия қаласында бокстан XIX Әлемдік гимназиада ойындары өтті. Осы әлемдік додаға жерлесіміз, Азияның екі дүркін чемпионы Ұлжан Сәрсенбек те қатысып, бақ сынады. Ұлжан жартылай финалда Тайпей елінің спортшы қызын ойсырата жеңіп, ақтық сында алаң иелері – Франция елінің спортшысын айқын басымдықпен ұтты. Бабы мен бағы қатар жанып тұрған Ұлжан Франция төрінде көк туымызды көкке көтеріп, Әнұранымызды шырқатты.

Қаралды: 1150

Өткен аптада Кентау қаласында қазақ күресінен ересектер арасында дәстүрлі түрде өтетін "Қазақстан Барысы" республикалық турнирінің облыстық іріктеу жарысы өтті.

Аталған жарыста облысы- мыздың түкпір-түкпірінен келген боз кілем шеберлері күш сынасты. Осы жарыста жерлесіміз, түйе палуан бәсекесінде күрескен Қайсар Шамшидинов жүлделі 2 орынды иеленді. Ол сонымен қатар "Қазақстан Барысы" республикалық турниріне жолдама алды.

Жерлесіміздің жеңісі құтты болсын дей отырып, алда өтетін "Қазақстан Барысы" республикалық турнирінде жеңіске жетуіне тілектеспіз!

Бекжұма Матжанұлы.

 

Қаралды: 1411

Мамырдың 13-15 күндері аралығында Түркістан облысы, Отырар ауданы, Шәуілдір ауылында самбодан 2006-2007 жылы туылған  жасөспірімдер арасында Түркістан облысының чемпионаты өтті.

Аталған чемпионатқа біздің жас спортшыларымыз қатысып, қатарластарымен бақ сынасты. Осы жарыста жерлестеріміз 1 алтын, 1 күміс, 4 қола медальды қанжығаларына байлады.

Атап айтар болсақ +88 кг салмақ дәрежесінде сынға түскен Ануарбек Нұрмұхаммед қарсылас шыдатпай, алтыннан алқа тағынды. Ал, 49 кг салмақтағы Тәңірберген Мейіржан күміспен күптелсе, Нұрсағат Батырхан (53 кг), Нұрманов Қанатбек (58 кг), Жанғазиев Ахат (64 кг) және Сәрсенбек Таймас (71 кг) қола медальды еншіледі.

Шағалалы өлкенің намысын арқалап барған спортшыларды және жаттықтырушыларын жетістіктерімен құттықтай отыра, алдағы ел чемпионатында жеңіс тұғырынан көрінулерін тілейміз!

Өз тілшімізден.

Қаралды: 1871

Наурыз айының соңғы күндерінде Екібастұз қаласында Қазақстан Республикасының көктемгі чемпионаты өтті. Түркістан облысының намысын қорғауға волейболшы қыздар сапында біздің ауданымыздағы №1 балалар мен жасөспірімдер спорт мектебінің спортшысы Кәдірхан Аяна да аттанған болатын. Кіл мықтылар жиналған бұл чемпионатта Түркістан облысы құрама командасының бағы мен бабы қатар шауып, бас жүлдені еншіледі.

Қаралды: 1829

Таяуда Иордания мемлекетінің Амман қаласында бокстан жастар арасында Азия чемпионаты болып өтті. Аталған чемпионатта Азияның кіл мықты былғары қолғап шеберлері бас қосып, шаршы алаңда сынға түсті.