Қаралды: 1330

Спортсүйер қауым жақсы білсе керек, таяуда қол күрестен  Өзбекстан Республикасының астанасы – Ташкент қаласында Азия чемпионаты өткен болатын. Азияның алыптарымен еліміздің атынан күш сынасуға “Шардара Армспорт” қолкүресшілері аттанған еді. ҚР ұлттық құрамасының атынан бақ сынаған жерлестеріміз Азия құрлығында қарсылас шақ келтірмей 20 алтын медальді  жеңіп алды. Жеңімпаздар кешегі аптада елге оралды.

Қаралды: 1471

Қазақстан Республикасының Су ресурстары жене ирригация вице-министрі Ерболат Ибрайханов Түркістан облысына іссапары барысында Шардара ауданына да арнайы ат басын бұрды. Вице-министр өз кезегінде аудандағы бірнеше нысандарды аралады. 

Қаралды: 1209

Мемлекет басшысы Қасым-Жомарт Тоқаев жуырда өткен Үкіметтің кеңейтілген отырысында аймақтарға ауыл шаруашылығының егіс алқаптарында суды көп қажет ететін дақылдарды азайтып, мейлінше құрғақшылыққа төзімді дақылдарды көбейту, су үнемдейтін технологияны көптеп ауқымды түрде енгізу қажеттілігі және суды үнемдеп пайдалану мәдениетін қалыптастыру жөнінде тапсырма берген болатын.

Қаралды: 1222

Кешегі аптада аудан әкімі Арман Қарсыбаев Шардара қаласы №4 мөлтекауданында «Samruk-Kazyna Construction» АҚ тапсырысымен салынып жатқан 1200 орындық және Өтеғұл шағынауданындағы 300 орындық жайлы мектептердің құрылысымен танысты. Ондағы құрылысшы мамандармен кездесіп, жұмыстың жай-күйін сұрады. Мердігер тараптың айтуынша мектеп 2024 жылдың соңына дейін аяқтау жоспарланған.

Қаралды: 935

Соңғы кездері ауданымызда шығармашылық адамдарымен түрлі кездесулер өтіп, олардың шығармалары кеңінен насихатталуда. Өнерсүйер қауым да рухани байлық арттырып, ұйымдастырушыларға ризашылық білдіріп жүр. Күні кеше «Шардара» мектеп-лицейінде осындай мәнді де мағыналы кездесу өтті. Білім ордасында аудандық кітапхана ұжымының ұйымдастыруымен жергілікті ақын, «Өскен өңір» газетінің директор-бас редакторы, «Қазыбек Иса атындағы шығармашылық бірлестіктің» төрағасы, ақын Сәбит Лахановпен оқушылар арасында «Ақын әлемінің әсем үні» атты жыр кеші өтті. Жыр кешіне кітапхана ұжымы, мектеп ұжымы, оқушылар мен жырсүйер қауым қатысты.

Ақынның жыр кешіне кітапхана ұжымы тыңғылықты дайындалыпты. Кездесудің негізгі мақсатын айтып өткен соң ақынның өміржолы жайлы бейнефильм көрсетілді. Кешті жүргізуші кітапхана қызметкері Жадыра Райымбекова ақынмен сұрақ-жауап өрбітіп, кездесудің маңызын арттыра білді. Әдебиетке қызығушылығы мол бір  топ мектеп оқушылар ақын жырларын жатқа оқыса, Інжу Максим мен Нұрислам Мансұр сазгер Ахмет Молдағұловтың (сөзі С.Лахановтікі) «Кел, досым Шардараға» әнін, ақынның қызы Қасиет Лахан «Туған ел» әнін (әні А.Молдағұловтікі, сөзі С.Лахановтікі) нақышына келтіре орындап, тыңдармандардың ыстық ықыласына бөленді. Сөз кезегін алған ақын оқырмандар алдында арқалана жыр оқып, шабыттана сөйледі.

Кеш соңында  «Шардара» мектеп-лицейінің директоры Жанат Сапаров пен аудандық кітапхана директоры Ғайша Төребаевалар сөз алып, ақынға шығармашылық табыс тілеп, иығына оқалы шапан жапты, бағалы сыйлықтар табыс етті.

Жаныңды жадыратар осындай жырлар кеші, рухани жан-дүниемізді байытар сырлар кеші алдағы уақыттары да жалғасын табатындығына сенімдіміз. 

Мадина ЕРАЛЫ.

 

Қаралды: 477

Қазақстан Республикасы Парламенті Сенатының қолдауымен, Қазақстан шахмат федерациясының қолға алуымен, 2024 жылғы сәуір-тамыз айлары аралығында еліміздің барлық өңірлерінде «SENAT OPEN» шахмат турнирі өтуде.