Қаралды: 836

Сүткент ауылының тарихы сонау ХІ ғасырдан бастау алады. Ұлы Жібек жолы бойындағы Сүткент сол заманда өркениет пен мәдениет орталығы саналған. Шежіресі тереңде жатқан осынау мекенде 1844 жылы Сүткент кеңшары құрылып,  аудандағы алдыңғы қатарлы ұжымға айналды. Кешегі аптада осы Сүткент ауылының 80 жылдық мерейтойы салтанатты түрде атап өтілді.

Қаралды: 1485

Өздерiңiзге белгiлi, Бiрiккен Ұлттар Ұйымы Бас ассамблеясы 1990 жылы 14 желтоқсанда, 1 қазанды Халықаралық қарттар күнi деп жариялаған болатын. Содан берi бұл мерекенi бүкiл әлем кең көлемде атап өтiп келедi.

Қаралды: 832

Апта барысында АЭС мәселесі жөніндегі облыстық халықтық штаб басшылары мен мүшелері Шардара ауданына ат басын тіреді. 

АЭС салуды қолдау жөніндегі Түркістан облыстық халықтық штаб мүшелері Н.Әбішев, З.Қамбарова және аудандық халықтық штаб мүшелері – Е.Бекет, Б.Мүталиевтер Шардара ауданының кәсіпкерлері, №16 колледж ұжымы және  «Хамит» АӨК балық өңдеу зауытының ұжымымен кездесіп, үгіт- насихат жұмыстарын жүргізді. 

Қаралды: 869

Елімізде АЭС құрылысы туралы 6 қазанда референдум өтетіндігі баршаға белгілі. Қазіргі таңда ұйымдастыруға жауапты мекемелер тарапынан аталған іс-шараның өткізілу ережесі жан-жақты түсіндірілуде. 11 қыркүйекте Шардара аудандық аумақтық референдум комиссиясының ұйымдастыруымен осы мақсатта оқыту семинары өткізілді.

Қаралды: 607

Жуырда аудандық Қоғамдық кеңестің кезекті жиыны болып өтті.

Коммуналдық шаруашылық, жер қатынастары, жұмыспен қамту секілді маңызды мәселелер қаралған жиынға Қоғамдық кеңес мүшелері, аудан әкімінің орынбасары Сержан Ильясов бастаған тиісті сала басшылары, БАҚ өкілдері қатысты. Кеңес отырысын төраға Мұрат Нұрпейісов ашып, жүргізіп отырды.

Күн тәртібіндегі мәселелер бойынша бірінші болып аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының орынбасары Мейірбек Шомпиев санитарлық тазалық, ауыз сумен қамту, көгалдандыру, «Таза Қазақстан» акциясы бойынша атқарылған жұмыстарды баяндады. М.Шомпиев өз сөзінде табиғи газ, ауыз су, жарықтандыру, жол, санитарлық тазалық, қатты қалдықтарды шығару мәселелері бойынша біршама жұмыстарды баяндады. Хабарламашының сөзінен соң кеңес мүшелері аталған бөлімнің кей салаларда атқарған жұмыстарына, атап айтқанда, ауыз сумен қамту, газ жүйесі тартылмаған көшелерді газдандыруда кемшіліктер бар екенін атап өтті. Келешегі жоқ деп танылған, таратылған елді мекендерге ауыз су тарту деген қисынға келмейтінін, 20 шақты үйге табиғи газ құбырын тарту үшін 300-400 млн теңге сұрау тым артық екендігін қадап айтты. Сонымен бірге қатты қалдықтарды шығару, қала ішіндегі қоғамдық көліктердің кестесін қайта қарау, кәріз жүйелерінің жұмысын нақтылау мәселелерін тапсырды.

Екінші болып сөз алған аудандық жер қатынастары бөлімінің басшысы Қайсар Нұрманов өз хабарламасында осы жылы пайдаланылмай жатқан 2500 гектар жер ауданның арнайы жер қорына алынғанын, 750 гектар жерді қайтару бойынша облыстық сотта іс қаралып жатқанын, мақсатты пайдаланылмай жатқан 3400 гектар жайылым жерді қайтару үшін талап арыз беру қаралып жатқанын жеткізді. 2600 гектар жер заңсыз, мақсатына сай пайдаланбағандықтан олардың иелеріне облыстық жер инспекциясы тарапынан айыппұл салынған екен. Сонымен бірге хабарламашы өзге де жұмыстарға шолу жасап өтті.

Күн тәртібіндегі үшінші мәселе бойынша аудандық «Мансап орталығының» директоры Нартай Майханов сөз алып, біршама жұмыстарды баяндап өтті. Аталған мекеме биылғы жылы жоспар бойынша 3075 адамды жұмыспен қамту керек болса, бүгінгі таңға дейін 2159 адам жұмыспен қамтылыпты. 152 азамат онлаин оқып, мамандықтары бойынша сертификат алған, 81 азамат қайтарымсыз грант иеленген. «Әрбір бағдарлама бойынша бекітілген жоспар жыл аяғына дейін толық орындалады» дейді Н.Майханов.

Жиын соңында кеңестің ішкі тәртібіне орай 1 мүше құрамнан шығарылып, 1 мүшеге ескерту берілді, қаралатын мәселелер бойынша сол салаға жауапты басшылардың қатысуын қамтамасыз ету тапсырылды.

Өз тілшімізден.

 

Қаралды: 1474

Кешегі аптада аудандық ардагерлер кеңесінің кезектен тыс V пленумы болып өтті. 

Жиынға аудандық ішкі саясат бөлімінің басшысы Бақытжан Таласов, «AMANAT» партиясы Шардара аудандық филиалының төрағасы Ережеп Бекет, аудандық ардагерлер кеңесінің пленум мүшелері, бастауыш ардагерлер ұйымының төрағалары, мекеме, ұйым басшылары қатысты.